ޚަބަރު
ރަމަޟާންމަހު ވެސް މަޖިލީހުގެ ޖަލްސާތައް ކުރިއަށްގެންދަން ނިންމަނީ

ރައްޔިތުންގެ މަޖިލިސް/ ފޮޓޯ: ދެން
ކުރިއަށް އޮތް ރަމަޟާން މަހަށް ރައްޔިތުންގެ މަޖިލީހުގެ ޖަލްސާތައް މެދުކަނޑާލުމަށް މަޖިލީހުގެ ޤަވާއިދަށް ހުށަހެޅުއްވި އިސްލާހާ ގުޅޭގޮތުން ދެވަނަ ވިސްނުމަކަށް ދާން ޕީއެންސީން ނިންމައިފިއެވެ.
މަޖިލީހުގެ ދައުރުތަކަށް ބަދަލު ގެނައުމަށް ގަވާއިދަށް އިސްލާހު ހުށަހެޅުއްވީ މާފަންނު ދެކުނު ދާއިރާގެ މެންބަރު ޢަބްދުﷲ ރިފާޢުއެވެ. އެ އިސްލާހު މަޖިލީހުގެ އާންމު ކޮމިޓީއަށް ފޮނުވުމުން އެ ކޮމިޓީގެ ބައްދަލުވުމުގައި ބައިވެރިވެވަޑައިގެންނެވި މެންބަރުންގެ އަޣުލަބިއްޔަތުން ވަނީ ބިލު ފާސްކުރުމަށް ނިންމަވާފައެވެ.
މެންބަރުންނަށް ރޯދަމަސް އެއްކޮށް ބަންދުކޮށްލުމަކީ، މެންބަރުންނަށް ލިބޭ ޗުއްޓީ ދުވަސްތަކުގެ ޖުމްލަ އިތުރުވެ، މަސައްކަތް ކުރާ ދުވަސްތައް މަދުވާނެ ކަމެއްކަމަށް ބުނެ ސޯޝަލް މީޑިއާގައި ގިނަބައެއްގެ ފާޑުކިޔުންތައް އާންމުވެގެންދިޔައެވެ. ނަމަވެސް މި ނިންމުމަށް އިސްލާހުގެންނަވާ، މިހާރު ވަނީ، މަޖިލީސް މެންބަރުންނަށް ވެސް ބަންދުވާނީ ސަރުކާރު ބަންދު ދުވަސްތަކުގެ ގޮތުގައި ކަނޑައެޅިފައިވާ ރަމަޟާންމަހުގެ ފަހުދިހައިގެ ދުވަސްތައް އެކަނިކަމަށް ނިންމަވާފައެވެ.
އަޅުގަނޑުމެން ނިންމީ ރަމަޟާން މަހު މަދު ވަގުތުކޮޅަކަށް މަސައްކަތް ކުރުމުގެ ބަދަލުގައި، އަޅުގަނޑުމެން ޗުުއްޓީ ހަދައި އެހެން މަހެއް، ފުލް މަސައްކަތް ކުރާ މަހަކަށް ހަދަން. މީހުންނަށް ހީވެފައި އޮތީ އިތުރު ޗުއްޓީއެއް ނަގަނީއޭ. އެކަމަކު އެއީ ނޫން އަސްލު ވާގޮތަކީ. ރަމަޟާން މަހު ވެސް އަދި އެ ނޫން ދުވަސްތަކުގައި ވެސް މަޖިލިސް މެންބަރުން އަބަދުވެސް ސައުވީސް ގަޑިއިރު ތިބޭނީ ރައްޔިތުންގެ ޚިދުމަތުގައި.
މެންބަރު ފަލާހު ވިދާޅުވިއެވެ.