ޚަބަރު
މާލޭ ސަރަޙައްދުގެ ގޭގެއިން ނައްތާލުމަށް ބޭނުންވާ ބާ މުސްޙަފްފަދަ ތަކެއްޗާއި ސިޓީ ކައުންސިލުން ހަވާލުވަނީ

މާލޭ ސިޓީ---
މާލޭ ސަރަޙައްދުގެ ގޭގެއިން ނައްތާލުމަށް ބޭނުންވާ ބާ މުޞްޙަފުތަކާއި ޤުރުއާނުގެ އާޔަތް ނުވަތަ ޙަދީޘް ހިމެނޭ އެފަދަ ދީނީ ފޮތްތަކާއި ލިޔުންތައް ނައްތާލުމަށް ސިޓީ ކައުންސިލުން އެ ތަކެއްޗާއި ހަވާލުވުމަށް ނިންމައިފިއެވެ.
އެގޮތުން، ގޭގެއިން ގެންނަ އެފަދަ ތަކެތި 16 ފެބުރުއަރީއިން ފެށިގެން ހަވާލުވާން ފަށާފައިވާކަމަށް އެ އިދާރާއިން ވަނީ ހާމަކޮށްފައެވެ.
އަދި މި މަހުގެ ނިޔަލަށް މި ތަކެއްޗާއި ހަވާލުވުމުގެ މަސައްކަތް ކުރިޔަށްދާނީ ކޮންމެ ދުވަހެއްގެ ހެނދުނު 9:00 ން މެންދުރުފަހު 14:00 އަށް ސިޓީ ކައުންސިލްގެ ވޭސްޓް ސެކްޝަނުން ކަމުގައި ވަނީ ހާމަކޮށްފައެވެ.
މީގެ އިތުރުން އެ އިދާރާއިން މިހާރު ނިންމާފައިވަނީ، ގޭގެއިން ނައްތާލުމަށް ބޭނުންވާ މިފަދަ ތަކެއްޗާ ކޮންމެ އަހަރަކު ދެ ފަހަރެއްގެ މަތިން ހަވާލުވުމަށެވެ. އަދި މިހާރު ފަށާފައި އެވަނީ މި އަހަރުގެ ފުރަތަމަ ބުރުކަމަށް ވެސް އެ އިދާރާއިން ވަނީ ހާމަކޮށްފައެވެ.