މާލޭ ސަރަޙައްދުގެ ގޭބިސީތަކުން ކުނި ނަގާ ގަޑިތަކަށް ބަދަލުތަކެއް

ރަމަޟާން މަހު ގޭބީސީތަކުން ކުނި ނަގާ ގަޑިތައް އާންމުކޮށް، އެ ގަޑިތަކަށް ރައްޔިތުން އަހުލުވެރިކުރުވުމަށްޓަކައި، މި މަހުގެ 23 ވަނަ ދުވަހުން ފެށިގެން ރަމަޟާން މަހު ކުނިނެގުމަށް ހަމަޖެހިފައިވާ ތާވަލު ތަންފީޒުކުރަން ފަށާނެކަމަށް  ވެމްކޯއިން މަޢުލޫމާތު ދެއްވައިފިއެވެ.

ކޮންމެ އަހަރަކުވެސް ރަމަޟާންމަހާ ދިމާކޮށް ވެމްކޯގެ ޚިދުމަތްތައްދޭ ވަގުތަށް ބަދަލު ގެނެއެވެ. މިގޮތުން  ވެމްކޯގެ މެނޭޖަރ އިބްރާހީމް ހަނީފް ވިދާޅުވީ، މި ރަމަޟާން މަހު ވެސް މާލެ ވިލިމާލެ އަދި ހުޅުމާލޭގައި ވެސް ކުނި ނެގުމުގެ ޚިދުމަތް ދޭ ވަގުތަށް ބަދަލު ގެންނާނެކަމަށެވެ.

މާލޭގެ ހައުސްހޯލްޑްތަކުން ކުނި ނަގާނީ ރޭގަނޑު 08:30 އިން ދަންވަރު 02:30 އަށް. މި ބަދަލު މިމަހުގެ 23 ވަނަ ދުވަހުން ފަށައިގެން އަންނާނެ. އެހެންވީމަ އަޅުގަނޑުމެންގެ އިލްތިމާސެއް ކުނި ނަގަން ފަށާ ގަޑީގެ، ގަޑިއެއްހާއިރު ކުރިން ރަނގަޅަށް ކުނި ޕެކްކޮށް، ދޮރު ކަރީ ބޭރުގައި ބަހައްޓާލުމަކީ

ވެމްކޯގެ މެނޭޖަރ އިބްރާޙިމް ހަނީފް ވިދާޅުވިއެވެ.

ރަމަޟާން މަހު ކުނި ނެގުމަށް ކަނޑައެޅިފައިވާ ވަގުތުތައް:

• ހުޅުމާލެ: 21:00 – 01:00
• ވިލިމާލެ: 21:30 – 01:30
• މާލެ: 8:30 – 02:30

ހުޅުމާލެއާއި ވިލިމާލޭގައި ރޯދަމަހުގެ ތާވަލަށް ޢަމަލުކުރަން ފަށާނީ ރަމަޟާންމަހުގެ ފުރަތަމަ ދުވަހުން ފެށިގެންކަމަށް ވެމްކޯއިން ވިދާޅުވެފައިވެއެވެ. ހަނީފް ވިދާޅުވީ ކުނި ނަގަން ފަށާ ވަގުތަށްވުރެ ލަހުން ކުނި ނެރޭނަމަ، އެ ގޭބިސީއަކަށް ޚިދުމަތް ދިނުމުގައި ވެމްކޯއަށް ދަތިތަކާ ކުރިމަތިވާނެކަމަށެވެ. ކުނި ނެރުމުގައިވެސް، ބިއްލޫރި ނުވަތަ ތޫނު އެއްޗެއް އުކާލާނާމަ، އެއިން ވެށިފާރަވެރިންނަށް ގެއްލުން ނުވާނެހެން ރީއްޗަށް ބަންދު ކޮށްފައި ވަކިން ބެހެއްޓުމަށް ވެމްކޯއިން އިލްތިމާސްކުރެއެވެ.

ކުނި ނެގުމުގެ ޚިދުމަތަށް ގެންނަ ބަދަލުތަކަށް އާއްމުންގެ ފަރާތުން ލިބެމުންދާ އެއްބާރުލުން ވެމްކޯއިން ފާހަގަކުރެއެވެ.