އިސް ޝެއިހެއްގެ ގޮތުގައި ޙައްޖަށް ވަޑައިގަންނަވާނީ ޝައިޙު މުތީޢު

ދިވެހިރާއްޖެއިން މި އަހަރު ޙައްޖަށްދާ މީހުންނާއެކު ވަޑައިގަންނަވާނެ އިސް ޝެއިޙަކަށް ފަޟީލަތުއްޝައިޚު މުޠީޢު ހަމަޖައްސައިފިއެވެ.

މިކަން ހާމަކުރައްވާފައިވަނީ އިސްލާމީ ކަންތައްތަކާބެހޭ ވަޒީރު ޑރ. މުޙައްމަދު ޝަހީމް އަލީ ސަޢީދު ސޯޝަލް މީޑިއާގައި ޙިއްސާކުރެއްވި ޕޯސްޓެއްގައެވެ.

1446 ވަނަ އަހަރު ރާއްޖޭގެ ޙައްޖުވެރިންގެ އިސް ޝައިޚަކަށް ވަޑައިގަންނަވާނީ، އިސްލާމީ ކަންތައްތަކާ ބެހޭ ވަޒީރުގެ ނާއިބު ފަޟީލަތުއްޝައިޚު މުޠީޢު އިސްމާޢީލް. އިންޝާ ﷲ.

މި އަހަރު ޙައްޖަށް ވަޑައިގަންނަވާ އިސް ޝަޢިޙް އިޢުލާންކުރައްވަމުން ވަޒީރު ވިދާޅުވިއެވެ.

ދިވެހި ހައްޖުވެރީންނާއެކު ހަރަކާތްތެރިވާނެ ޝެއިޙަކު ކޮންމެ އަހަރަކު ވެސް އައްޔަންކުރެއެވެ.

އިސް ޝެއިޙެއްގެ ގޮތުގައި ހަރަކާތްތެރިވާ ބޭފުޅެއްގެ މުހިންމު މަސްއޫލިއްޔަތުތަކުގެ ތެރޭގައި ޙައްޖުގެ އަޅުކަމުގައި އެކި ދަރުސްތައް ޙައްޖުވެރިންނަށް ދިނުމާއި، ދީނީ އެކި މަޢޫލޫމާތުތައް ފޯރުކޮށްދިނުން ހިމެނެއެވެ. މީގެ އިތުރުން ޙައްޖު ދުވަހު އަރަފާތު ބިމުގައި ތިބޭއިރު ޙައްޖު ޚުތުބާ ދިވެހި ބަހުން ގެނެސްދެނީވެސް އިސް ޝެއިޚެވެ.

މި އަހަރުގެ އިސް ޝެއިޙަކަށް ހަމަޖައްސާފައިވާ ފަޟީލަތުއްޝައިޚު މުޠީޢުއަކީ ސަޢުދީޢަރަބިއްޔާގެ ޤާސިމް ޔުނިވަރސިޓީން އިސްލާމީ ޝަރިއްޔާއިން ބެޗްލަރސް ޑިގްރީ ހާސިލް ކުރައްވާފައިވާ ބޭފުޅެކެވެ.

ދިވެހި ޙައްޖުވެރިންގެ އިސް ޝެއިހަކަށް މިދިޔަ އަހަރު ވަޑައިގެންނެވީ ޝައިޙު ޑޮކްޓަރ އާދަމް ޝަމީމެވެ.