ދުނިޔެ
އީލޮން މަސްކްގެ 4 އަހަރުގެ ދަރިފުޅު ޓްރަމްޕާއި ދިމާލަށް "އަނގަ ގަދަނުކޮށް އިނުމަށް" ބުނާ ވީޑިއޯއެއް
ވައިޓްހައުސްގައި ބޭއްވުނު ނޫސްވެރިންގެ ބައްދަލުވުން ފޮޓޯ:އިންޓަނެޓް
ޓެކްނޮލޮޖީ ވިޔަފާރިވެރިޔާ އީލޮން މަސްކްގެ 4 އަހަރުގެ ދަރިފުޅު އެމެރިކާގެ ރައީސް ޑޮނަލްޑް ޓްރަމްޕާއި ދިމާލަށް "އަނގަ ބަންދުކުރާށޭ" ބުނެފައިވާކަމަށް ބުނާ އެކްސް އޭ އޭ-12 (އެކްސް) ގެ ވީޑިއޯ މިހާރު ވަނީ އިންޓަނެޓުގައި ވައިރަލްވެފައެވެ.
ވައިޓް ހައުސްގައި ބޭއްވުނު ނޫސްވެރިންގެ ބައްދަލުވުމެއްގައި އީލޮން މަސްކް އޭނާގެ ދަރިފުޅު އެކްސް ގޮވައިގެން ބައިވެރިވިއެވެ. މި ބައްދަލުވުމަކީ ސަރުކާރުގެ ހަރުދަނާކަން އިތުރުކުރުމަށް އުފައްދާފައިވާ އައު މިނިސްޓްރީއެއްގެ ވެރިޔަކަށް އީލޮން މަސްކް އައްޔަންކުރުމާ ގުޅޭ ގޮތުން ބޭއްވުނު ބައްދަލުވުމެކެވެ.
ނޫސްވެރިންގެ ސުވާލުތަކަށް އީލޮން މަސްކް ޖަވާބުދެމުން ދަނިކޮށް، އެކްސް ކުއްލިއަކަށް އެންމެންގެ ސަމާލުކަން ހޯދިއެވެ. ސޯޝަލް މީޑިއާގައި ގިނަ ބަޔަކު ބުނާ ގޮތުގައި އެކްސް ވަނީ ޓްރަމްޕަށް މުޚާތަބުކޮށް "ތީ ރައީސެއް ނޫން... ދާންވީ" އަދި " އަނގަ މަޑުންލައިގެ އިނދޭ" ފަދަ ބަސްތައް ބުނެފައެވެ.
Elon Musk's son tells Trump, “You’re not the President and you need to go away” pic.twitter.com/z3e09vbXBL
— Right Wing Cope (@RightWingCope) February 13, 2025
މި ހާދިސާއާ ގުޅިގެން ސޯޝަލް މީޑިއާގައި ބޮޑު ބަހުސެއް ފެށި، ގިނަ ޕޯސްޓުތަކެއް މިލިއަނުން މީހުން ބަލާފައިވެއެވެ. ބައެއް މީހުން ބުނާ ގޮތުގައި އެކްސް އެފަދަ އެއްޗެއް ބުނިކަން ޔަގީނެއް ނޫނެވެ. އަނެއްބައި މީހުން ބުނާ ގޮތުގައި މިއީ ދޮގު މަޢުލޫމާތެކެވެ.
I'M SCREAMINGpic.twitter.com/Q77UDXrNFZ
— chris evans (@notcapnamerica) February 12, 2025
މި ހާދިސާއަކީ މިހާރު އިންޓަނެޓުގައި ވަރަށް ބޮޑަށް ޝާއިޢުވެފައިވާ މައުޟޫއަކަށް ވެފައިވާއިރު، އެކި މީހުން މިކަމާ ދޭތެރޭ ދެކޭގޮތް ތަފާތުވެފައިވެއެވެ. މި ހާދިސާއާ ގުޅޭ ގޮތުން ރަސްމީ ފަރާތްތަކުން އެއްވެސް ބަޔާނެއް އަދި ނެރެފައެއް ނުވެއެވެ.