މަޖީދިއްޔާގެ އައު ޕްރިންސިޕަލަކަށް ޒުހުދުލް ޙައްޤު ހަމަޖައްސައިފި

މަޖީދިއްޔާ ސްކޫލުގެ އައު ޕްރިންސިޕަލަކަށް ސެންޓާ ފޯ ހަޔާ ސެކަންޑްރީ އެޑިޔުކޭޝަން (ސީއެޗްއެސްއީ)ގެ ޑެޕިއުޓީ ޕްރިންސިޕަލް އަހުމަދު މުޖާހިދު ހަމަޖައްސައިފިއެވެ.

މުޖާހިދު މި މަޤާމަށް ކުރިމަތިލާފައި ވަނީ، މަޖީދިއްޔާ ސްކޫލުގެ ކުރީގެ ޕްރިންސިޕަލް ޢާއިޝަތު މުޙައްމަދު ދީދީ ރިޓަޔާރ ކުރެއްވުމައި ގުޅިގެން، އެ މަޤާމަށް މީހަކު ހޯދުމަށް ކުރެވުނު އިޢުލާނެއްގެ ދަށުންނެވެ. 

މުޖާހިދު ވަނީ ފާއިތުވެ ދިޔަ ސިޔާސީ ދައުރުގައި އެޑިޔުކޭޝަން މިނިސްޓްރީގެ ނައިބު ވަޒީރުކަމުގެ މަޤާމު ފުރުއްވާފައެވެ. މުޖާހިދު ވަނީ މެލޭޝިޔާގެ އޯޕަން ޔުނިވާސިޓީން ތައުލީމީ ދާއިރާއިން މާސްޓާސް ޑިގްރީ ހާސިލްކުރައްވާފައިވާ، އޭނާގެ ކެރިއަރުގައި އިސްކަންދަރު ސްކޫލުގެ ޑެޕިއުޓީ ޕްރިންސިޕަލްކަމާއި ލީޑިން ޓީޗަރުގެ މަޤާމު އަދި މޯލްޑިވްސް ނޭޝަނަލް ޔުނިވާސިޓީގެ ޕާޓް ޓައިމް ލެކްޗަރާއެއްގެ މަގާމު ފުރުއްވާފަވެއެވެ.