ޔޫތު މިނިސްޓްރީގެ ފަރާތުން ލައިފް ސްކިލްސް ސެޝަނެއް ބާއްވަނީ

ޒުވާނުން ބާރުވެރިކުރުވުމާއި، މަޢުލޫމާތާއި ފަންނާ ބެހޭ ވުޒާރާއިން ލައިފް ސްކިލްސް ސެޝަނެއް މިމަހު ބާއްވަން ނިންމައިފިއެވެ.

މި ހަރަކާތުގެ ސެޝަންތައް ބޭއްވުމަށް ހަމަޖެހިފައި ވަނީ މި މަހުގެ 22، 23، އަދި 24 ވަނަ ދުވަހުގެ ހެނދުނު 09:00 އިން، ހަވީރު 17:00 އަށެވެ. 

މި ސެޝަން ޚައްސަކޮށް، ފަރުމާކޮށްފައި ވަނީ އުމުރުން 18 އަހަރާއި، 35 އަހަރާ ދެމެދުގެ ޒުވާނުންނަށް ބައިވެރިވެވޭ ގޮތަށެވެ. 

22 ވަނަ ދުވަހު ބޭއްވުމަށް ހަމަޖެހިފައިވާ މި ޕުރޮގުރާމުގެ ސެޝަން ވިލިމާލޭގައި ކުރިއަށް ގެންދިޔުމަށް ހަމަޖެހިފައިވާއިރު، 23 ވަނަ ދުވަހާއި 24 ވަނަ ދުވަހު ބޭއްވުމަށް ހަމަޖެހިފައިވާ ސެޝަންތައް ކުރިއަށް ދާނީ މާފަންނު ސޯޝަލް ސެންޓަރުގައެވެ. 

މި ސެޝަންތަކުގެ ތެރެއިން ބައިވެރިންނަށް ޓީމް ބިލްޑިންއާ ގުޅުންހުރި ސެޝަންތައް ކުރިއަށްގެންދިއުމަށް ވަނީ ހަމަޖެހިފައެވެ. މި ސެޝަންގައި ބައިވެރިވުމަށް 7925704އަށް ގުޅާލުމުން ނުވަތަ އެކަމަށް ހާއްސަކޮށްފައިވާ ކިއުއާރް ކޯޑު ބޭނުންކޮށްގެން ރަޖިސްޓްރީވެވޭނެއެވެ.