ޚަބަރު
ޓެކްސީ ކުރުމުގެ ޤަވާޢިދަށް ދެއިސްލާޙެއް ގެނެސްފި!
ބްރިޖްގައި ޓެކްސީތަކެއް ދަތުރުކުރަނީ. ފޮޓޯ: އިންޓަރނެޓް
ޓެކްސީ ކުރުމުގެ ޤަވާޢިދަށް ދަތުރުފަތުރު ކުރުމާއި މަދަނީ އުދުހުންތަކާ ބެހޭ ވުޒާރާއިން ދެއިސްލާޙެއް ގެނެސްފިއެވެ.
މި އިސްލާޙުތަކުގެ ދަށުން ޓެކްސީ ލައިސަންސް ދޫކުރުމަށް އާ ޝަރުތުތަކެއް ވަނީ ކަނޑައަޅައިފައެވެ.
އެގޮތުން ޓެކްސީ ލައިސަންސް ދޫކުރުމަށް އެދޭ އުޅަނދަކީ ލައިސަންސް ލިބިފައިވާ ޓެކްސީ ސެންޓަރެއްގައި ލިސްޓްކޮށްފައިވާ އުޅަނދެއް ކަމަށް ވާންޖެހޭނެ ކަމަށް ބަޔާންކޮށްފައި ވެއެވެ.
މީގެ އިތުރުން، ލައިސަންސަށް އެދޭއިރު އެ އުޅަނދަކީ ޓެކްސީ ސެންޓަރެއްގައި ލިސްޓްކޮށްފައިވާ އުޅަނދެއްކަން އަންގައިދޭ ލިޔުމެއް ހުށަހަޅަންޖެހޭނެ ކަމަށްވެސް ބަޔާންކޮށްފައިވެއެވެ.
މި އިސްލާޙަށް މިިހާރުން ފެށިގެން ޢަމަލު ކުރަމުން ދާނެއެވެ.
