ޚަބަރު
ޗައިނާގެ އޯޝަނޮލޮޖީ އިންސްޓިޓިއުޓާއި، އީޕީއޭ އާ ދެމެދު އެމްއޯޔޫއެއްގައި ސޮއިކޮށްފި
ފޮޓޯ: ފަތުރުވެރިކަމާއި ތިމާވެއްޓާ ބެހޭ ވުޒާރާގެ އެކްސް
ޗައިނާގެ އޯޝަނޮލޮޖީ އިންސްޓިޓިއުޓާއި އީޕީއޭ އާ ދެމެދު ޓެކްނޮލޮޖީ އެއްބާރުލުމުގެ އެމްއޯޔޫއެއްގައި ސޮއިކޮށްފިއެވެ.
މި މެމޮރެންޑަމް އޮފް އަންޑަސްޓޭންޑިންގައި ދިވެހިރާއްޖޭގެ ތިމާވެށި ރައްކާތެރިކުރުމާބެހޭ އިދާރާ އާއި ޗައިނާގެ ސައުތު ޗައިނާ ސީ އިންސްޓިޓިއުޓް އޮފް އޯޝަނޮލޮޖީ، ޗައިނީސް އެކަޑަމީ އޮފް ސައިންސަސް އިން ސޮއިކުރުމުގެ ރަސްމިއްޔާތު ބާއްވާފައި ވަނީ ފަތުރުވެރިކަމާއި، ތިމާވެއްޓާ ބޭހޭ ވުޒާރާގައެވެ.
A Memorandum of Understanding (MoU) on technology cooperation was signed today between the South China Sea Institute of Oceanology, Chinese Academy of Sciences, and the Environmental Protection Agency.@EPAMaldives @MoEnvmv pic.twitter.com/4KQvtu57x2
— Ministry of Tourism and Environment (@MoTmv) February 17, 2025
މި އެއްބަސްވުމުގެ ދަށުން ދެ ފަރާތުން ހިންގާނެ ޚާއްސަ މަޝްރޫޢުތަކާއި ޕްރޮގްރާމްތަކުގެ ތަފްސީލު އަދި ހާމަކޮށްފައެއް ނުވެއެވެ. ނަމަވެސް، މި އެއްބަސްވުމަކީ ދިވެހިރާއްޖެއާއި ޗައިނާއާ ދެމެދު އޮތް ގުޅުން އިތުރަށް ބަދަހިވެގެންދާނެ ކަމެއްގެ ގޮތުގައި ސަރުކާރުން ދެކޭ ކަމަށް ބެލެވެއެވެ.
