އައްޑޫގެ ކަރަންޓު މައްސަލަ ރޯދައިގެ ކުރިން ޙައްލު ކުރުމަށް ޖަނަރޭޓަރެއް ގެންގޮސްފި

އައްޑޫ ސިޓިގެ ކަރަންޓު މައްސަލަ ރޯދައިގެ ކުރިން ހައްލުކުރުމަށްޓަކައި، 1.8 މެގަވޮޓުގެ ޖަނަރޭޓަރު ސެޓެއް އެ ސިޓީއަށް ގެންގޮސްފިއެވެ.

ރަމަޟާން މަހަށް އައްޑޫ ސިޓީ ހިތަދޫއާއި، އައްޑޫ ސިޓީއާ ގުޅިފައިވާ ރަށްރަށަށް ކަރަންޓުގެ މައްސަލަ ހައްލުކުރެވޭނަކަމުގެ ޔަޤީންކަން ފެނަކަ ކޯޕަރޭޝަނުން ވަނީ ކުރިން ދީފައެވެ. 

އައްޑޫ ސިޓީގެ ރަށްރަށުން ކަރަންޓު ކެންޑުމުގެ މައްސަލައަކީ އައްޑޫ ސިޓީގެ ރައްޔިތުންނަށް ކުރިމަތިވަމުން އަންނަ، ދާއިމީ ހައްލެއް ލިބިފައި ނުވާ މައްސަލައެކެވެ. ފެނަކަ ކޯޕަރޭޝަނުން ވިދާޅުވީ، އައްޑޫސިޓީ ހިތަދޫއާއި ގުޅިފައިވާ ރަށްރަށަށް ކަރަންޓުގެ ޚިދުމަތް ފޯރުކޮށްދޭ ސެންޓްރަލް ޕަވަރ ސްޓޭޝާންގައި ބޭނުންކުރަމުންދާ ޖެނެރޭޓަރ ސެޓްތަކުގެ ތެރެއިން 3 ގެނެރޭޓަރަކަށް މައްސަލަ ދިމާވެ، އެ ޖަނެރޭޓަރުތައް މަރާމާތު ނުކުރެވޭވަރަށް ހަލާކުވެފައިވާކަމަށެވެ.

އައްޑޫ ސިޓީގެ ގުޅިފައިވާ ރަށްރަށަށް ދިމާވެފައިވާ ކަރަންޓުގެ މައްސަލަ ޙައްލު ކުރުމުގެ ގޮތުން، އެ ސިޓީއަށއ ހޯދުނު 1.8 މެގަވޯޓުގެ އައު ޖެންސެޓް މިހާރު ވަނީ އެ ސިޓީއަށް ގެންދެވިފައި. #TeamFenaka pic.twitter.com/nRyxuao1ds

— Fenaka Corporation Ltd (@TeamFenaka) February 18, 2025

ރަމަޟާން މަހަކީ ކޮންމެ އަހަރަކުވެސް ކަރަންޓު ބޭނުންކުރާ މިންވަރު އިތުރުވާ މަހަކަށްވާތީއާއި އައްޑޫ ސިޓީގައި ތަރައްޤީގެ އެކި އެކި މަޝްރޫއުތައް ކުރިއަށް ދާއިރު، ދުވަހުން ދުވަހަށް ކަރަންޓުގެ ޑިމާންޑް މަތިވަމުންދާތީ އެކަމަށް ޚާއްޞަ ސަމާލުކަމެއް ދީގެން ފެނަކައިން ދަނީ މަސައްކަތްކުރަމުންނެވެ.

ރައީސުލްޖުމްހޫރިއްޔާގެ ޚާއްޞަ އިރުޝާދާއި ލަފާފުޅާއެކު އައްޑޫސިޓީގެ ކަރަންޓަށް ދާއިމީ ހައްލު ހޯދުމަށް މަސައްކަތް ފަށައި، ދޮޅު އަހަރު ތެރޭ ޢަމަލީ މަސައްކަތް ނިންމުމަށް އަމާޒުހިފާފައިވާކަމަށްވެސް ފެނަކައިން ވަނީ ވިދާޅުވެފައެވެ.