ޚަބަރު
މަޖިލިސް މެންބަރުންނަށް ޚާއްސަ ޤާނޫނީ ކޯހެއް ފެށުމަށް ހަމަޖައްސައިފި
ފޮޓޯ: އިސްލާމިކް ޔުނިވާރސިޓީ އޮފް މޯލްޑިވްސްގެ އެކްސް
އިސްލާމިކް ޔުނިވާރސިޓީ އޮފް މޯލްޑިވެސް ގެ ފަރާތުން، ޝަރީޢަތާއި، ޤާނޫނާ ގުޅުން ހުރި ކޯހެއް، ރައްޔިތުންމަޖިލީހުގެ މެންބަރުންނަށް ޚާއްސަކޮށްގެން ފެށުމަށް ހަމަޖައްސައިފިއެވެ.
މަޖިލިސް މެންބަރުންނަށް ކުރިއަށް ގެންދަނީ އެއް އަހަރު ދުވަހަށް އަމާޒުކޮށްގެން ”އެޑްވާންސްޑް ސެޓްފިކެޓް އިން ޝަރީއާ އެންޑް ލޯ“ގެ ނަމުގައި ކުރިއަށް ގެންދާ ކޯހެކެވެ. މި ކޯހުގެ އިތުރު މަޢުލޫމާތު ދިނުމުގެ ބައްދަލުވުމެއް ވެސް އައިޔޫއެމް އިން ވަނީ ބާއްވާފައެވެ. ރައްޔިތުންގެ މަޖިލީހުގެ ރައީސް މި ބައްދަލުވުމުގައި ވިދާޅުވެފައި ވަނީ މިފަދަ ކޯހެއް ކުރިއަށް ގެންގޮސް ދިނުމަށް އައިޔޫއެމްގައި އެދުނީ 20 ވަނަ ރައްޔިތުންގެ މަޖިލީހަކީ އިލްމީ ގޮތުން ގާބިލް އަދި އުފެއްދުންތެރިން މަސައްކަތްތަކެއް ކުރާ ނަމޫނާ މަޖިލީހަކަށް ހެދުމަށް ބޭނުންވާތީ ކަމަށެވެ.
ޝަރީޢަތާއި ޤާނޫނުގެ ދާއިރާއިން ރައްޔިތުންގެ މަޖިލީހުގެ މެންބަރުން މަތީ ތަޢުލީމަށް ތަމްރީނުކުރުން ފަށައިފި pic.twitter.com/v8h1fqUKoj
— Islamic University of Maldives (@official_ium) February 18, 2025
އައިޔޫއެމް އިން މައުލޫމާތުދޭ ގޮތުގައި މެންބަރުންނަށް އަމާޒުކޮށްގެން ކުރިއަށް ގެންދާ ކޯހަކީ މޯލްޑިވްސް ކޮލިފިކޭޝަން އޮތޯރިޓީ (އެމްކިއުއޭ)ގެ މިންގަނޑާއި ކުރީގެ ކައުންސިލުން އެކަށައަޅާފައިވާ ކޮލިޓީ އެޝުއަރެންސްގެ އުސޫލުތަކާ އެއްގޮތަށް ކުރިއަށްގެންދާ ކޯހެކެވެ.
