ރޯދަމަހު މުދާ އުފުލާ އުޅަނދުތަކާއި، ބަރު އުޅަނދުތައް ދުއްވޭނެ ވަގުތުތައް އާންމުކޮށްފި

ރޯދަމަހު ބަރު އުޅަނދުތަކާއި ވިޔަފާރި ބޭނުންތަކަށް މުދާ އުފުލާ އުޅަނދުތައް ދުއްވޭނެ ގަޑިތައް މިއަދު އިކޮނޮމިކް މިނިސްޓްރީއިން އާންމު ކޮށްފިއެވެ.

ރައީސް އޮފީހުގައި ބޭއްވުނު ނޫސްވެރިންގެ ބައްދަލުވުމެއްގައި، އިޤުތިސާދީ ތަރައްޤީ އާއި ވިޔަފާރިއާ ބެހޭ ވުޒާރާއިން ވިދާޅުވެފައި ވަނީ،  ރޯދަމަހު އެއްވަނަ ދުވަހުން ފެށިގެން ރޯދަ މަހުގެ 19 ވަނަ ދުވަހުގެ ނިޔަލަށް އަދި ޝައްވާލް މަހުގެ އެއްވަނަ ދުވަހުން ފެށިގެން ހަތްވަނަ ދުވަހުގެ ނިޔަލަށް މާލެ ސަރަހައްދުގައި މުދާ އުފުލޭނީ ވަކި ގަޑިތަކެއްގައި ކަމަށެވެ. 

ރޯދަމަހުގެ ފުރަތަމަ 19 ދުވަހާއި، އީދު ދުވަހުން ފެށިގެން ޝައްވާލު މަހުގެ 7 ވަނަ ދުވަހުގެ ނިޔަލަށް، މާލެ ސަރަހައްދުގައި ބަރު އުޅަނދާއި، މުދާ އުފުލާ އުޅަނދު ދުއްވޭނެ ވަގުތުތައް: 

-         09:30 – 16:30 

-         20:00 - 06:00

މީގެ އިތުރުން ރޯދަމަހު 20 ވަނަ ދުވަހުން ފެށިގެން ރޯދަމަހުގެ ނިޔަލަށް ބަރު އުޅަނދާއި ހުރިހާ ބާވަތެއްގެ މުދާ އުފުލާ އުޅަނދުތައް ދުއްވޭނެ ވަގުތުތައް:

-         6:00 - 16:30 

-         20:00 - 6:00 

މިފަދަ އުޅަނދުތައް ދުއްވާ ފަރާތްތަކުން މިގަޑިތަކަށް ސަމާލުވެ އުޅަނދުތައް ދުއްވުމަށް އެ ވުޒާރާއިން ވަނީ އިލްތިމާސް ކޮށްފައެވެ.