ސައިންސް
އިންސްޓަގްރާމްގައި ޑިސްލައިކް ބަޓަނެއް ތަޢާރަފްކުރަނީ

އިންސްޓަގްރާމް އެޕްލިކޭޝަން، ފޮޓޯ: އިންޓަނެޓް
ހުލާސާ
ކޮމެންޓްތަކުގެ ޑިސްލައިކަށް ބަލައި ކޮމެންޓުތައް ރޭންކު ކުރެވޭނެ.
މަޝްހޫރު ސޯޝަލް މީޑިއާ ޕްލެޓްފޯމް، އިންސްޓަގްރާމްގައި ޑިސްލައިކް ބަޓަނެއް ތަޢާރަފްކުރުމުގެ މަސައްކަތް ކުރަމުންދާކަމަށް އެ ޕްލެޓްފޯމުން ޔަޤީންކޮށްދީފިއެވެ. ނަމަވެސް މި ބަޓަން ތަޢާރަފްކުރާނީ ކޮމެންޓުތަކާއި ރީލްތަކަށް އެކަނިކަމަށް އެ ޕްލެޓުފޯމުން ހާމަކޮށްފައިވެއެވެ.
އިންސްޓަގްރާމްގެ އިސްވެރިޔާ، އެޑަމް މޮސެރީ ބުނީ، މިއީ މި ޕްލެޓްފޯމުގައި ކަސްޓަމަރުންގެ ތަޖުރިބާ ފުރިހަމަކުރުމަށް ގެނެވޭ ބަދަލެއްކަމަށެވެ.
މޮސެރީ ބުނީ މިހާރު އެ ބަޓަން ޓެސްޓުކުރުމުގެ މަސައްކަތް ފަށާފައިވާ ކަމަށާއި، އެހެންކަމުން އިންސްޓަގްރާމްގެ ކޮމެންޓްސް ބަޓަންގެ ކައިރީގައި މި ބަޓަން އިންދާ ބައެއް ފަރާތްތަކަށް ފެނުން އެކަށީގެންވާކަމަށެވެ. އަދި އެއީ ޓެސްޓު މަރުހަލާގެ ތެރޭގައި ހިމެނޭކަމެއްކަމަށް އޭނާ ބުންޏެވެ.
ޑިސްލައިކް ބަޓަން އިނަސް، ޑިސްލައިކް ކައުންޓެއް ނުފެންނާނެ. އަދި އެކަކު ޑިސްލައިކް ކުރިކަމެއް އަނެކަކަށް ނޭންގޭނެ. އަދި ކުރިޔަށްއޮތްތާނގައި ކޮމެންޓްސް ރޭންކު ކުރަން މި ފީޗަރ ބޭނުން ކުރުމަށް މަޝްވަރާކޮށްފައިވޭ. އޭރުން އެންމެ ގިނަ ޑިސްލައިކް ހުންނަ ކޮމެންޓުތައް އެންމެ ތިރިއަށް ގެންދެވޭނެ.
އިންސްޓަގްރާމްގެ އިސްވެރިޔާ، އެޑަމް މޮސެރީ ބުންޏެވެ.
އިންސްޓަގްރާމް ކޮމެންޓްސް ރޭންކު ކުރުމަކީ، އެ ޕްލެޓްފޯމުގެ ކޮމެންޓްސް ސެކްޝަންގެ ކޮލެޓީ ރަގަޅުކޮށްދޭނެކަމެއްކަމަށް ވެސް ބައެއް ފަރާތްތަކުން ބުނެއެވެ.
އިންސްޓަގްރާމްގައި ތައާރަފްކުރަން މިއުޅޭފަދަ ޑިސްލައިކް ބަޓަނެއް ޔޫޓިއުބްގައި ވެސް ތަޢާރަފްކޮށްފައިވެއެވެ. އަދި 2021 ވަނަ އަހަރުން ފެށިގެން ޑިސްލައިކް ކޮށްފައިވާ މީހުންގެ އަދަދު ނުފެންނަ ގޮތް ވަނީ ހަދާފައެވެ.
އިންސްޓަގްރާމްގެ ޑިސްލައިކް ބަޓަން މިހާރު ޓެސްޓުކުރަމުން ދިޔަ ނަމަވެސް، މި ބަޓަން ރަސްމީކޮށް ބޭނުންކުރަން ފަށާނެ ތަރީޙެއް އަދި އެ ޕްލެޓުފޯމުން ހާމަކޮށްފައެއް ނުވެއެވެ.