އުނގޫފާރުގައި ހުންނަ އެ އަތޮޅު ކައުންސިލުގެ ގޯތިތެރެއަށް ސިހުރު ހެދި މައްސަލައެއް ބަލަނީ

ރ. އުނގޫފާރުގައި ހުންނަ އެ އަތޮޅުގެ ކައުންސިލްގެ ގޯތިތެރެއަށް މީހަކު ސިހުރު ހެދިކަމަށް ބުނާ މައްސަލައެއް ފެންމަތިވެ، އެ މައްސަލަ ބަލަން ފަށާފައިވާކަމަށް ފުލުހުން ހާމަކޮށްފިއެވެ.

ކައުންސިލް އިދާރާގެ ގޯތި ތެރޭގައި ސިހުރު ހަދާ މަންޒަރު ދައްކުވައިދޭ ސީސީޓީވީ ފޫޓޭޖެއް ވެސް ސޯޝަލް މީޑިއާގައި ވަނީ އާންމުވެފައެވެ. 

މި ވީޑިއޯގައި ސިހުރު ހަދާކަމަށް ތުހުމަތުކުރެވޭ މީހުންގެ ވަނަވަރު ވެސް ހާމަކޮށްފައިވެއެވެ.

ވީޑިއޯ ފުޓޭޖުން ފެންނަނީ ފިރިހެނަކު އަތޮޅު ކައުންސިލްގެ ގޯތިތެރެއަށް ފެންއަޅާ މަންޒަރެވެ. 

މި ވީޑިއޯ ފުލުހުންނަށް ލިބިފައިވާ ކަމަށާއި މިކަމާ ގުޅިގެން މަޢުލޫމާތު ސާފުކުރަމުން އަންނަކަމަށް ފުލުހުން ވަނީ އެހެން މީޑީއާއަކާ ހިއްސާކޮށްފައެވެ.