ފުލުހުންގެ މާހެފުން ރައީސުލްޖުމްހޫރިއްޔާ ޝަރަފުވެރި ކޮށްދެއްވައިފި

ރަމަޟާންމަހަށް މަރުޙަބާކިޔުމުގެ ގޮތުން، ދިވެހި ފުލުހުންގެ ޚިދުމަތުން އިސްކަންދަރު ބިލްޑިންގައި ބޭއްވި މާހެފުން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ޝަރަފުވެރިކޮށްދެއްވައިފިއެވެ. 

މި މާހެފުމުގައި ދާޚިލީ ސަލާމަތާއި ފަންނިއްޔާތާ ބެހޭ ވަޒީރު ޢަލީ އިޙްސާނާއި، ކޮމިޝަނާރ އޮފް ޕޮލިސް ޢަލީ ޝުޖާއުގެ އިތުރުން ޑެޕިއުޓީ ކޮމިޝަނަރ އޮފް ޕޮލިސް އިސްމާޢީލް ނަވީންއާއި ޑެޕިއުޓީ ކޮމިޝަނަރ އޮފް ޕޮލިސް ފަރުހާދު ފިކުރީގެ އިތުރުން ދަޢުލަތުގެ އެކ ވަޒީރުން ބައިވެރިވެވަޑައިގެންފައިވެއެވެ. ހަމައެހެންމެ، ފުލުހުންގެ އެގްޒެކެޓިވް އޮފިސަރުންނާއި ކޮމިޝަންޑު އޮފިސަރުންނާއި، އެހެނިހެން ރޭންކުތަކުގެ ފުލުހުންނާއި ދައުލަތުގެ އެކި މުއައްސަސާތަކުގެ އިސްވެރިން ވެސް ވަނީ މި މާހެފުމުގައި ބައިވެރިވެވަޑައިގެންފައެވެ.