Ads by Exprox

ޚަބަރު

ޗީފް ޖުޑީޝަލް އެޑްމިނިސްޓްރޭޓާގެ މަޤާމަށް އަމްޖަދު މުސްތަފާ އައްޔަންކުރަށްވައިފި

ޗީފް ޖުޑީޝަލް އެޑްމިނިސްޓްރޭޓާގެ މަޤާމަށް އަމްޖަދު މުސްތަފާ އައްޔަންކުރަށްވައިފި

އަމްޖަދު މުސްޠަފާ/ ފޮޓޯ: ފެށުން

19 ފެބްރުއަރީ 2025، 05:56

ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަންގެ ޗީފް ޖުޑީޝަލް އެޑްމިނިސްޓްރޭޓަރަކަށް މ.ރަންދޫވިލާ، އަލްއުސްތާޛު އަމްޖަދު މުޞްޠަފާ އައްޔަންކުރައްވައިފިއެވެ.

އެ މަޤާމަށް އަމްޖަދު މުސްތަފާ އައްޔަންކުރީ ކުރިން އެ މަޤާމުގައި ހުންނެވި އަލްއުސްތާޛާ ޢާއިޝަތު ރިޒުނާ މިދިޔަ އަހަރުގެ ސެޕްޓެމްބަރުމަހު އިސްތިއުފާ ދެއްވުމުންކަމަށާއި،  އެމަޤާމަށް ނަން ހުށަހެޅުއްވި ބޭފުޅުންގެ މެދުގައި ކުރިއަށްގެންދިޔަ އިންޓަވިއުގައި އެންމެ މަތީން މާކްސް ލިބިފައިވަނީ އަމްޖަދު މުސްތަފާއަށް ކަމަށް ވާތީ ކަމަށް ޖުޑީޝަލް ސާވިސަސް ކޮމިޝަނުން ވިދާޅުވެފައިވެއެވެ. 

އަމްޖަދު މުސްތަފާ ވަނީ ދިވެހިރާއްޖޭގެ އިސްލާމީ ޔުނިވަރސިޓީން ޝަރީއާ އެންޑް ލޯއިން ފުރަތަމަ ޑިގްރީއާއި އިނގިރޭސި ވިލާތުގެ އެންޑް ގްލިއާ ރަސްކިން ޔުނިވާސިޓީން ބިޒްނަސް އެންމިނިސްޓްރޭޝަން އިން މާސްޓާސް ހާސިލުކުރައްވާފައެވެ. މީގެ ކުރިން އަމްޖަދު ވަނީ ވަޒީފާއާ ބެހޭ ޓްރައިބިއުނަލްގެ ރައީސްކަމާއި އިލެކްޝަންސް ކޮމިޝަންގެ ނައިބު ރައީސްކަމާއި މޯލްޑިވްސް ޓޫރިޒަމް ޑިވެލޮޕްމަންޓް ކޯޕަރޭޝަންގެ ބޯޑު ޑިރެކްޓަރުކަމުގެ މަގާމުވެސް ފުރުއްވާފައެވެ.

ޗީފް ޖުޑީޝަލް އެޑްމިނިސްޓްރޭޓަރގެ މަގާމުގެ މުއްދަތަކީ ފަސް އަހަރު ދުވަހެވެ. 

މި ލިޔުން ކިޔާލުމުން

Ads by MSS