ކުޅިވަރު

ބޮޑު ތަފާތަކުން ޕީއެސްޖީ ކުރި ހޯދިއިރު، ޔުވެންޓަސްއަށް މުބާރާތުން އަލްވަދާއު ކިޔަން ޖެހިއްޖެ

ބޮޑު ތަފާތަކުން ޕީއެސްޖީ ކުރި ހޯދިއިރު، ޔުވެންޓަސްއަށް މުބާރާތުން އަލްވަދާއު ކިޔަން ޖެހިއްޖެ

ގޯލެއް ކާމިޔާބުކުރުމަށްފަހި ޕީއެސްޖީގެ ކުޅުންތެރިން އުފާފާޅުކުރަނީ، ފޮޓޯ: އޭޕީ

މިފްތާޙް މުޙައްމަދު

މިފްތާޙް މުޙައްމަދު

20 ފެބްރުއަރީ 2025، 07:58

20 ފެބްރުއަރީ 2025، 07:58

ޗެމްޕިއަންސް ލީގުގެ ޕްލޭ-އޮފްގައި ފްރާންސްގެ ޗެމްޕިއަން، ޕެރިސް ސެއިންޓް-ޖަމެއިން، ޕީއެސްޖީއިން ބޮޑު ތަފާތަކުން އެ ގައުމުގެ ބްރެސްޓް ބަލިކުރިއިރު، ދެވަނަ ލެގުގައި އެކްސްޓްރާ ޓައިމަށްފަހު ޔުވެންޓަސްއަށް މުބާރާތާ އަލްވަދާއު ކިޔަން ޖެހިއްޖެއެވެ.

ފުރަތަމަ ލެގުން 3-0ގެ ލީޑެއްގައި ދެވަނަ ލެގަށް ނިކުތް ޕީއެސްޖީން ރޭގެ މެޗު ކާމިޔާބުކުރީ 7-0 އިންނެވެ. މި މެޗުގައި ޕީއެސްޖީގެ 7 ގޯލު ކާމިޔާބުކުރީ ތަފާތު 7 ކުޅުންތެރިންނެވެ.

ޕީއެސްޖީން ވަނީ މެޗުގެ ފުރަތަމަ ހާފުގައި ދެ ގޯލު ކާމިޔާބުކޮށްފައެވެ. އެއީ މެޗުގެ 20 ވަނަ މިނެޓުގައި ބްރެޑްލީ ކޯލާ ކާމިޔާބުކުރި ގޯލަކާއި 39 ވަނަ މިނެޓުގައި ކްވަޗިކާ ވަރަޝެލިއާ ކާމިޔާބުކުރި ގޯލުތަކެކެވެ.

ދެވަނަ ހާފުގައި އެ ޓީމުން ކާމިޔާބު ކުރި 5 ގޯލުގެ ތެރެއިން ފުރަތަމަ ގޯލު ކާމިޔާބުކުރީ 59 ވަނަ މިނެޓުގައި ވިޓީނިއާއެވެ. އޭގެ 5 މިނެޓުފަހުން ޑިސެއާ ޑޮއު އިތުރު ގޯލެއް ކާމިޔާބުކުރިއިރު، އަނެއްކާވެސް އޭގެ 5 މިނެޓު ފަހުން، ނޫނޯ މެންޑޭޒް ވަނީ ޕީއެސްޖީގެ 5 ވަނަ ގޯލު ކާމިޔާބުކޮށްފައެވެ.

އެ ޓީމުގެ 6 ވަނަ ގޯލާއި 7 ވަނަ ގޯލު ކާމިޔާބުކުރީ 76 ވަނަ މިނެޓުގައި ގޮންޗާލޯ ރާމޯސް އާއި މެޗު ނިމެން ހަތަރު މިނެޓަށް ވެފައިވަނިކޮށް ސެނީ މަޔޫލޫއެވެ.

ޕީއެސްޖީއިން 10-0 ގެ އެގްރިގޭޓް ސްކޯއަކުން މި މެޗު ކާމިޔާބުކުރިއިރު، ގަދަ-16ގައި އެ ޓީމު ބައްދަލުކުރަން ޖެހޭނީ ލިވަޕޫލް ނޫނީ ބާސެލޯނާއާއެވެ.

ޗެމްޕިއަންސް ލީގުގެ އެހެން މެޗެއްގައި ޔުވެންޓަސް އާއި ޕީއެސްވީ އެންދޯވެން ކުޅުނު މެޗުގެ ފުރިހަމަ ވަގުތު ހަމަވީ 2-1 އިން ޕީއެސްވީ ކުރީގައި އޮވެގެނެވެ. އަދި ފުރަތަމަ ލެގު 2-1 އިން ޔުވެންޓަސް ކާމިޔާބުކޮށްފައި އޮތުމުން، ގަދަ-16އަށް ދަތުރުކުރާނެ ޓީމެއް ކަނޑައެޅުމަށް އެކްސްޓްރާ ޓައިމް ކުޅެން ޖެހުނެވެ. 

އެކްސްޓްރާ ޓައިމްގައި ޕީއެސްވީގެ ރްޔަން ފްލެމިންގޯ ކާމިޔާބުކުރި ގޯލުން، ޔުވެންޓަސް ކަޓުވާލުމަށްފަހު އެ ޓީމުން ވަނީ އަނެއް ބުރުން ޖާގަ ހޯދާފައެވެ. އެ ބުރުގައި ޕީއެސްވީ ބައްދަލުކުރަން ޖެހޭނީ އާސެނަލް ނޫނީ އިންޓަ މިލާންއާއެވެ.

މި ލިޔުން ކިޔާލުމުން

Ads by MSS