Ads by Exprox

ޚަބަރު

ދަނޑުވެރިކަމުގައި ޒުވާނުންގެ ބާރުވެރިކަން އިތުރުކުރާނަން: ވަޒީރު ޑރ. މާރިޔާ

ދަނޑުވެރިކަމުގައި ޒުވާނުންގެ ބާރުވެރިކަން އިތުރުކުރާނަން: ވަޒީރު ޑރ. މާރިޔާ

ވަޒީރު ޑރ. މާރިޔާ ގދ އަތޮޅަށް ކުރައްވަމުން ގެންދަވާ ދަތުރުފުޅުގެ ތެރެއިން، ފޮޓޯ: ދަނޑުވެރިކަމާބެހޭ ވުޒާރާ

މިފްތާޙް މުޙައްމަދު

މިފްތާޙް މުޙައްމަދު

20 ފެބްރުއަރީ 2025، 09:56

20 ފެބްރުއަރީ 2025، 09:56

ދަނޑުވެރިކަމުގައި ޒުވާނުންގެ ބާރުވެރިކަން އިތުރުކުރުމުގެ ތަޞައްވުރެއް ގެންގުޅޭކަމަށް ދަނޑުވެރިކަމާބެހޭ ވަޒީރު ޑރ. މަރްޔަމް މާރިޔާ ވިދާޅުވެއްޖެއެވެ.

ވަޒީރު މިހެން ވިދާޅުވީ، ގދ އަތޮޅު ކައުންސިލްގެ ދައުވަތަކަށް އެ ކަމަނާ މިހާރު އެ އަތޮޅަށް ކުރަށްވަމުން ގެންދަވާ ދަތުރުފުޅުގައި އެ އަތޮޅުގެ ބައެއް ޒުވާނުންނާއި ބައްދަލުކުރައްވައި ވާހަކަފުޅު ދައްކަވަމުންވެ. މި ދަތުރުފުޅަކީ އެ އަތޮޅުގައި ދަނޑުވެރިކަން ކުރަމުން އަންނަގޮތް ބައްލަވާލެއްވުމަށް ވަޒީރު ފައްޓަވާފައިވާ ދަތުރުފުޅެކެވެ.

ދަނޑުވެރިކަމުގެ ދާއިރާގެ މުހިންމުކަމަށް އަލިއަޅުވާލައްވައި ވަޒީރު ވިދާޅުވީ، ކާބޯތަކެތީގެ ރައްކާތެރިކަން ކަށަވަރުކުރެވޭނީ މި ދާއިރާއިން ކަމަށެވެ. އަދި މިފަދަ މުހިންމު ދާއިރާއެއްގައި ޒުވާނުންގެ ބައިވެރިވުން ފެންނަމުން އަންނަ ކަމަށާއި، އެކަމަކީ އެ ކަމަނާ ވަރަށް އުފާކުރައްވާ ކަމެއްކަމަށް ވިދާޅުވިއެވެ. 

ދަނޑުވެރިކަމަކީ ހަމައެކަނި އާމްދަނީ ހޯދުމުގެ ވަސީލަތެއް ނޫން، އަދި ޤައުމުގެ ކާބޯތަކެތީގެ ރައްކާތެރިކަން ކަށަވަރުކުރުމަށް މުހިންމު ދައުރެއް އަދާކުރާ ދާއިރާއެއް. ޒުވާނުންނަށް އިތުރު އެހީތެރިކަމާއި ބާރުވެރިކުރުވުމަށް އަޅުގަނޑުމެން ގިނަ މަޝްރޫޢުތަކެއް ކުރިއަށް ގެންދިއުމަށް ރާވަމުން ގެންދަން.

ދަނޑުވެރިކަމާބެހޭ ވަޒީރު ޑރ. މަރްޔަމް މާރިޔާ ވިދާޅުވިއެވެ.

މީގެ އިތުރުން، ދަނޑުވެރިކަން އިތުރަށް ފުޅާކުރުމަށް ޒުވާނުންގެ ތަނަވަސް ހިޔާލާއި ޒަމާނީ ޓެކްނޮލޮޖީ އެކުލެވިގެން ދިއުމަކީ، މި ދާއިރާ އިތުރަށް ކުރިޔަށްދާނެ ހެޔޮފާލެއްކަމަށް އެ ކަމަނާ ވިދާޅުވިއެވެ.

ވަޒީރުގެ މި ދަތުރުފުޅުގައި ގދ އަތޮޅުގެ ބައެއް ފަޅު ރަށްރަށަށް ވަޑައިގެންނެވުމަށް ވެސް ވަނީ ނިންމަވާފައެވެ. އެގޮތުން، އެ ކަމަނާ ވަނީ އެ އަތޮޅުގެ ހުޅެއްދޫ، ކާށިހުޅުދޫ(ކައުޓި ހުޅެދޫ) އަދި ހަވޮޑިގަލާ އަށް ޒިޔާރަތްކުރައްވާ އެ ރަށްރަށުގެ ހާލަތު ބައްލަވާލައްވަވާފައެވެ.

މި ދަތުރުފުޅުގައި އެ އަތޮޅުގެ ރަށްރަށުގައި ދަނޑުވެރިކަމުގެ ދާއިރާއިން ހުރި ގޮންޖެހުންތަކާއި، އެކަންކަން ހައްލުކޮށް، ދަނޑުވެރިކަން އިތުރަށް ކުރިއެރުވުމާއި ބެހޭގޮތުން ކައުންސިލްތަކާއިއެކު ފުޅާދާއިރާއެއްގައި ވަޒީރު ދަނީ މަޝްވަރާ ކުރައްވަމުންނެވެ. 

މި ލިޔުން ކިޔާލުމުން

Ads by MSS