ޚަބަރު
ރަސްފަންނުގައި ބިދޭސީންތަކަކަށް ބިރުދެއްކި ދެމީހަކު ހައްޔަރުކޮށްފި!
ބިދޭސީންނަށް ބިރުދެއްކި މައްސަލާގައި ހައްޔަރުކުރި ދެމީހުން. ފޮޓޯ: ފުލުހުން
ރޭ ރަސްފަންނުގައި ތިބި ބިދޭސީންތަކަކަށް ވަޅިން ބިރުދެއްކި ދެމީހަކު ހައްޔަރުކޮށްފިއެވެ.
މިކަމާ ގުޅިގެން ދިވެހި ފުލުހުންގެ ޚިދުމަތުން ބުނެފައިވަނީ ރޭ ރަސްފަންނުގައި ތިބި ބިދޭސީންތަކަކަށް ވަޅިން ބިރުދައްކައި ލާރި ނުދީފިނަމަ އިނގިލިތައް ބުރިކޮށްލާނެކަމަށް ބުނެ ބިރުދައްކައި ދެ ބިދޭސީއެއްގެ ވޮލެޓް އަތުލައި އޭގައި ހުރި ފައިސާ ފޭރިގަތް މައްސަލައިގައި ދެމީހަކު ހައްޔަރުކޮށްފައިވާ ކަމަށެވެ.
ފުލުހުން ބުނެފައިވަނީ މިމައްސަލައިގައި ހައްޔަރު ކޮށްފައިވަނީ ސ.ހިތަދޫ އަތިރީގޭ އަޙްމަދު ސިވާތު 37 އަހަރު އަދި ސ.ހިތަދޫ ޑިލައިޓްފޭސް މުޙައްމަދު ސާލިމް 37 އަހަރުކަމަށެވެ.
އަދި އެދެމީހުން ހައްޔަރުކޮށްފައިވަނީ ރޭގެ ވަގުތެއްގައިކަމަށެވެ. އަދި އެމީހުން ފޭރުނު ފައިސާތައް ހޯދައިފައިވާކަމަށްވެސް ފުލުހުން ވަނީ ބުނެފައެވެ.
ފުލުހުން ބުނީ މިމައްސަލަ އިތުރަށް ތަހުޤީޤު ކުރަމުންދާ ކަމަށެވެ.
