ވ. އަތޮޅާއި މ. އަތޮޅުގެ ރަށަކުން މީހުން ބަދަލުވާން އެދިއްޖެ

ވ. އަތޮޅާއި މ. އަތޮޅުގެ ރަށަކުން މީހުން ބަދަލުވާން އެދިފައިވާ ކަމަށް ސިޓީސް، ލޯކަލް ގަވަރމަންޓް އެންޑް ޕަބްލިކް ވާރކްސް އާދަމް ޝަރީފް ޢުމަރު ވިދާޅުވެއްޖެއެވެ.

ރައީސް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމެއްގައި ވަޒީރު ވިދާޅުވީ، ވ. އަތޮޅާއި މ. އަތޮޅު ރަށަކުން އެހެން ރަށަކަށް ބަދަލު ކޮށްދިނުމަށް އެދިފައިވާ ކަމަށާއި، އެކަމާމެދު ރަސްމީކޮށް އަދި ގޮތެއް ނިންމާފައިނުވާ ކަމަށެވެ.

އެ ރަށްރަށުގެ ރައްޔިތުން އެދޭ ބަދަލުތައް ގެންނަން ނިންމައިފި ނަމަ އިތުރު ތަފްސީލު ހާމަކުރާނެކަމަށް ވަޒީރު ވިދާޅުވެފައިވެއެވެ. 

ދާދި ފަހުން ސަރުކާރުން ވަނީ ހދ. ހިރިމަރަދޫ ރައްޔިތުން އެރަށު މީހުން ހދ. ހަނިމާދޫ އަށް ބަދަލު ކުރުމަށް ނިންމާފައެވެ. އެކަމާއި ގުޅިގެން ކުރަންޖެހޭ މަސައްކަތްތައް ކުރަން ފަށާފައިވާ ކަމަށާއި އެކަމާ ގުޅޭ ސިޔާސަތު ކަރުދާސްތައް އެކުލަވާލަމުން އަންނަ ކަމަށް ސަރުކާރުން މަޢުލޫމާތުދެއްވާފައިވެއެވެ. 

ވ. އަތޮޅަކީ ރާއްޖޭގެ އެންމެ އާބާދީ ކުޑަ އަތޮޅެވެ.