ޑްރަގް އެތެރެކުރަން އުޅޭކަމުގެ ތުހުމަތުގައި 4 މީހަކު ހައްޔަރުކޮށްފި

މަސްތުވާތަކެތި އެތެރެކުރަން މަސައްކަތްކުރާކަމުގެ ތުހުމަތުގައި 4 މިހަކު ހަނިމާދޫ އެއާރޕޯޓުގައި ހައްޔަރުކޮށްފިއެވެ.

ފުލުހުން މިއަދު މަޢުލޫމާތު ދިންގޮތުގައި ކައުންޓަރ ނާކޮޓިކްސް އިންޓެލިޖެންސަށް ލިބުނު މައުލޫމާތަކާއި ގުޅިގެން މި 4 މީހުން ހިފަހައްޓާފައި ވަނީ، ކުޅުދުއްފުށި ސިޓީ ޕޮލިހާއި ހަނިމާދޫ ޕޮލިސް އަދި އިންޓެލިޖެންސް ގުޅިގެން ރޭ ދަންވަރު ހިންގި އޮޕަޜޭޝަނެއްގައެވެ. 

މި މައްސަލައިގައި ހައްޔަރުކުރި އެންމެންގެ ވަނަވަރު ފުލުހުން ވަނީ ހާމަކޮށްފައެވެ. އޭގެ ތެރޭގައި ހިމެނެނީ؛

• ނ. ވެލިދޫ / މޯނިންގސަން، ފާތިމަތު ޝާހާ ހަސަން (20އ)
  
• ކ. ގުރައިދޫ / ނަލަވާ، ޙުސައިން ޝާވިން (22އ)
  
• ސ. ފޭދޫ / ރަތްވިލާގެ، މުހައްމަދު ރިލުވާނު އަބްދުއްސައްތާރު (22އ)
  
• ދ. ކުޑަހުވަދޫ / މާހިލް، އަރްސަމް އަލީ ވަޙީދު (28އ)

މި 4 މީހުން ބަލާ ފާސްކުރިއިރު މަސްތުވާތަކެތި ކަމަށް ބެލެވޭ ތަކެތި ފެނުުނު ކަމަށާއި އެ ތަކެތީގެ ބަރުދަނަކީ 13.85 ގުރާމް ފުލުހުން މަޢުލޫމާތު ދެއްވައެވެ. ހަނިމާދޫ މެޖިސްޓްރޭޓު ކޯޓުން. އެ ހަތަރު މީހުންގެ ބަންދަސް 30 ދުވަސް ވަނީ ޖަހާދީފައެވެ. 

ފުލުހުން ބުނީ އެ މައްސަލަ ތަޙުޤީޤު ކުރަމުންދާކަމަށެވެ.