ޚަބަރު
އަންހެން މުދައްރިސަކު ދަރިވަރެއް ގްރޫމް ކުރި މައްސަލައެއް ބަލަނީ
ޝަހީދު ހުސައިން އާދަމް ބިލްޑިންގ/ ފޮޓޯ: މޯލްޑިވްސް ފައިނޭންޝިއަލް ރިވިއު
އަންހެން މުދައްރިސަކު ގްރޭޑު 8 ގައި ކިޔަވަމުންދާ ފިރިހެން ދަރިވަރަކު ގްރޫމްކުރިކަމަށް ތުޙުމަތުކުރެވޭ މައްސަލައެއް ފެންމަތިވެއްޖެއެވެ.
މި މައްސަލަ ފުލުހުންނަށް ހުށައަޅާފައި ވަނީ މިދިޔަ ޖަނަވަރީ މަހުގެ 21 ވަނަ ދުވަހު ކަމުގައި ފުލުހުން މަޢުލޫމާތު ދެއްވާފައިވެއެވެ. ކަމާ ބެހޭ ފަރާތްތަކަށް މި މައްސަލަ ޙިއްސާކޮށް، މި މައްސަލަ ތަޙުޤީޤުކުރެވެމުންދާކަމަށް ފުލުހުން ވިދާޅުވިއެވެ.
ކުޑަކުދިންނާ ގުޅުން ހުރި މައްސަލަތަކަކީ ފުލުހުން ވަރަށް ފަރުވާތެރިކަމާއެކު، ޚާއްސަ ސަމާލުކަމެއް ދީގެން ތަޙުޤީޤުކުރާ ކޭސްތަކެއްކަމަށް ފުލުހުން ވިދާޅުވެފައިވެއެވެ. ހަމައެހެންމެ، މި މައްސަލައިގައި ހިމެނޭ ކުއްޖާގެ ވަނަވަރު ރައްކާތެރިކުރުމަށްޓަކައި، މި ޙާދިސާ ހިނގި އަތޮޅާއި ރަށް ފުލުހުން ހާމަކޮށްފައެއް ނުވެއެވެ.
