ޚަބަރު
މާލޭގެ އެކި ސަރަހައްދުތަކުން މަރުވެފައިވާ ކޮތަރު ގިނަ އަދަދަކަށް ފެންނަމުންދާ ސަބަބު ހޯދަނީ
ބަލިޖެހިފައިވާ ކޮތަރެއް/ ފޮޓޯ: ވޮއިސް
މާލޭގެ އެކި ހިސާބުތަކުން ބަލިވެފައިވާ ކޮތަރާއި، މަރުވެފައިވާ ކޮތަރުތައް ފެންނަމުންދާތީ އެކަން ދިމާވާ ސަބަބު ދެނެގަތުމުގެ މަސައްކަތް އެނިމަލް މިނިސްޓްރީން ފަށައިފިއެވެ.
އެ ވުޒާރާއިން ވިދާޅުވީ މާލޭގެ އެކި ހިސާބުތަކުން ބަލިވެފައިވާ ކޮތަރާއި، މަރުވެފައިވާ ކޮތަރުތައް ފެންނަމުންދާކަން އެ މިނިސްޓްރީގެ ސަމާލުކަމަށް އައިސްފައިވާ ކަމަށެވެ. އެކަން ދިމާވާ ސަބަބު ދެނެގަތުމަށް ގިނަ މަސައްކަތްތަކެއް ކުރެވެމުންދާކަމަށާއި، އެ މަސައްކަތްތަކުގެ ތަފްސީލު އާންމުކުރާނެކަމަށް ވެސް އެ ވުޒާރާއިން ވިދާޅުވެފައިވެއެވެ.
އެ ވުޒާރާގެ ކަމާބެހޭ މުވައްޒަފުން، މިގޮތަށް މަރުވެފައިވާ ކޮތަރުގެ ސާމްޕަލް މިހާރު ދަނީ ނަގަމުންނެވެ. ބަލި ޖެހި މަރުވެފައިވާ ކޮތަރުތަކުގެ ލޯކައިރިއާއި، ތުނބުގެ ވަށައިގެން ފާރުވެފައިވާކަން ފާހަގަކުރެވިފައިވެއެވެ.
