ޚަބަރު
ސަޢޫދީ އަރަބިއްޔާގެ ފައުންޑިން ދުވަހުގެ ތަހުނިޔާ ރައީސް މުޢިއްޒު ފޮނުއްވައިފި
ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އަދި ސަޢުދީ އަރޭބިއާގެ ރަސްގެފާނާއި ވަލީއަޚްދު ފޮޓޯ:ރައީސް އޮފީސް
ރާއްޖޭގެ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ ސަޢޫދީ އަރަބިއްޔާގެ ފައުންޑިން ދުވަހުގެ ތަހުނިޔާ އެ ޤައުމުގެ ވެރިންނަށް ފޮނުއްވައިފިއެވެ. މި ތަހުނިޔާ ފޮނުއްވާފައިވަނީ މިއަދު އެކްސް މެދުވެރިކޮށް އަރަބި ބަހުންނެވެ.
ރައީސް މުޢިއްޒުގެ މެސެޖްގައި ވަނީ މާތްވެގެންވާ ދެ ޙަރަމްފުޅުގެ ޚާދިމް އަދި ސަޢޫދީ ޢަރަބިއްޔާގެ ރަސްގެފާނު ސަލްމާން ބިން ޢަބްދުލްޢަޒީޒް އަލް ސަޢޫދަށާއި، ސަޢޫދީ ޢަރަބިއްޔާގެ ވަލީޢަހްދު އަދި ބޮޑުވަޒީރު މުޙައްމަދު ބިން ސަލްމާން ބިން ޢަބްދުލްޢަޒީޒް އަލް ސަޢޫދަށް ތަހުނިޔާ ފޮނުއްވާފައެވެ. އަދި މީގެ އިތުރުން ސަޢޫދީ އަރަބިއްޔާގެ ރައްޔިތުންނަށްވެސް ތަހުނިޔާ ރައްދުކުރައްވާފައިވެއެވެ.
يسعدني بأن أتقدم بأصدق التهاني والتبريكات إلى الملك سلمان بن عبد العزيز آل سعود @KingSalman وإلى ولي عهده الأمير محمد بن سلمان والشعب السعودي الشقيق بمناسبة يوم التأسيس للمملكة العربية السعودية. راجيا من الله تعالى أن يمن على المملكة مزيدا من التقدم والازدهار والأمن والاستقرار.
— Dr Mohamed Muizzu (@MMuizzu) February 22, 2025
ރައީސް މުޢިއްޒު ފޮނުއްވި މެސެޖްގައި ވަނީ ސަޢޫދީ އަރަބިއްޔާއަށް އިތުރު ފާގަތިކަމާއި، ސަލާމަތްކަމާއި، ތަނަވަސްކަން މިންވަރުކުރެއްވުމަށް ދުޢާކުރައްވާ ކަމަށްވެސް ވިދާޅުވެފައެވެ.
ސަޢޫދީ އަރަބިއްޔާގެ ފައުންޑިން ދުވަހަކީ އެ ޤައުމުގެ ޤައުމީ ދުވަހެވެ. މި ދުވަސް ފާހަގަކުރަނީ ކޮންމެ އަހަރެއްގެ ސެޕްޓެމްބަރު 23 ވަނަ ދުވަހުއެވެ. މިއީ 1932 ވަނަ އަހަރު ސަޢޫދީ އަރަބިއްޔާ އުފެދުނު ދުވަހެވެ.
