ދުނިޔެ
ފަލަސްތީނުގެ މައްސަލައާ ގުޅޭގޮތުން ސަޢޫދީ އަރަބިއްޔާގައި މުހިންމު ބައްދަލުވުމެއް ބާއްވައިފި

ސަޢޫދީ އަރަބިއްޔާގައި ބޭއްވި ބައްދަލު ވުމުގެ ތެރެއިން ފޮޓޯ: ސަޢުދީ އަރަބިއްޔާ
ސަޢޫދީ އަރަބިއްޔާގެ ވަލީ އަހުދު މުޙައްމަދު ބިން ސަލްމާން ވަނީ ހުކުރު ދުވަހު ރިޔާދުގައި ގަލްފް ކޯޕަރޭޝަން ކައުންސިލްގެ (ޖީސީސީ) މެންބަރު ޤައުމުތަކާއި، ޖޯޑަން އަދި މިސްރުގެ ލީޑަރުންނާއެކު މުހިންމު ބައްދަލުވުމެއް ބާއްވާފައެވެ.
ސަޢޫދީ ޕްރެސް އެޖެންސީން ރިޕޯޓުކުރި ގޮތުގައި، މި ބައްދަލުވުމުގައި ފަލަސްތީނުގެ މައްސަލައަށް އެއްބާރުލުން ދިނުމަށް ކުރެވޭނެ މަސައްކަތްތަކާއި، ޣައްޒާގެ އެންމެ ފަހުގެ ހާލަތާ ބެހޭގޮތުން މަޝްވަރާކުރެވުނެވެ. މީގެ އިތުރުން، ސަރަޙައްދީ އަދި ބައިނަލްއަޤްވާމީ އެހެނިހެން މައްސަލަތަކާ ގުޅޭގޮތުންވެސް މަޝްވަރާކުރެވުނެވެ.
މި ބައްދަލުވުމުގައި ބައިވެރިވެ ވަޑައިގަތް ބޭފުޅުންގެ ތެރޭގައި އެމިރޭޓްސްގެ ރައީސް ޝެއިޚް މުޙައްމަދު ބިން ޒާޔިދު އަލް-ނަހްޔާން، ޖޯޑަންގެ ރަސްގެފާނު އަބްދުﷲ، މިސްރުގެ ރައީސް އަބްދުލް ފައްތާޙް އަލް-ސީސީ، ޤަޠަރުގެ އަމީރު ޝެއިޚް ތަމީމް ބިން ޙަމަދު އަލް-ޘާނީ، ކުވެއިތުގެ އަމީރު ޝެއިޚް މިޝްޢަލް އަލް-އަޙްމަދު އަލް-ޖާބިރު އަލް-ސަބާޙް، އަދި ބަޙްރެއިންގެ ވަލީ އަހުދު އަދި ބޮޑުވަޒީރު ސަލްމާން ބިން ޙަމަދު އަލް-ޚަލީފާ ހިމެނިވަޑައިގަންނަވައެވެ.
މި ބައްދަލުވުމުގައި ބައިވެރިވި ލީޑަރުން ވަނީ މާރޗް 4 ގައި ކައިރޯގައި ބޭއްވުމަށް ހަމަޖެހިފައިވާ ކުއްލި އަރަބި ސަމިޓަށް މަރުޙަބާ ކިޔާފައެވެ.