ދުނިޔެ

އިސްރާއީލުން ރަހީނުކުރި ފަލަސްތީނު މީހުން ދޫކޮށްލުން ފަސްކޮށްފި

އިސްރާއީލުން ރަހީނުކުރި ފަލަސްތީނު މީހުން ދޫކޮށްލުން ފަސްކޮށްފި

އިސްރާއީލުން ރަހީނުކޮށްފައިވާ މީހަކު ދޫކޮށްލުން ފޮޓޯ:އިންޓަނެޓް

އާމިނަތު ޔުމްނާ

އާމިނަތު ޔުމްނާ

23 ފެބްރުއަރީ 2025، 07:26

23 ފެބްރުއަރީ 2025، 07:26

އިސްރާއީލުން ރަހީނުކޮށްފައިވާ 620 ފަލަސްތީނު ރައްޔިތުން ދޫކޮށްލުމަށް ހަމަޖެހިފައިވާ މަސައްކަތް ފަސްކޮށްފިއެވެ. އިސްރާއީލުގެ ބޮޑުވަޒީރު ބެންޖަމިން ނެތަންޔާހޫގެ އޮފީހުން ބުނެފައިވަނީ، ދެން ދޫކޮށްލަން ހަމަޖެހިފައިވާ އިސްރާއީލު މީހުން ދޫކޮށްލާނެކަން ޔަގީންވަންދެން ފަލަސްތީނު މީހުން ދޫކޮށްލުން ފަސްކޮށްލާފައިވާ ކަމަށެވެ.

މިކަމާ ގުޅިގެން ހަމާސްއިން ބުނެފައިވަނީ، އެއްބަސްވެފައިވާ ގަޑިއަށް ހަތްވަނަ ބުރުގެ ފަލަސްތީނު މީހުން ދޫކޮށްނުލުމަކީ ހަނގުރާމަ ހުއްޓާލުމުގެ އެއްބަސްވުމާ ސީދާ ޚިލާފުވުމެއް ކަމަށެވެ. އެހެންނަމަވެސް، މީގެ ކުރިން ހަމާސްއިން ވަނީ ފުރަތަމަ ފިޔަވަހީގައި ދޫކޮށްލަން ހަމަޖެހިފައިވާ އިސްރާއީލްގެ 6  މީހުން ދޫކޮށްލާފައެވެ.

ޣައްޒާގެ ޞިއްޙަތާއިބެހޭ މިނިސްޓްރީން ހާމަކޮށްފައިވާ ގޮތުގައި، އިސްރާއީލުން ޣައްޒާއަށް ދެމުންދާ ހަނގުރާމައިގައި މިހާތަނަށް 48,319 ފަލަސްތީނު މީހުން މަރުވެފައިވާއިރު، 111,749 މީހުން ޒަޚަމްވެފައިވެއެވެ. އަދި ޣައްޒާގެ ސަރުކާރުގެ މީޑިއާ އޮފީހުން އަޕްޑޭޓްކޮށްފައިވާ މަޢުލޫމާތުގައިވާ ގޮތުން، މަރުވި މީހުންގެ އަދަދު 61,709 އަށް އަރާފައިވާއިރު، ހަލާކުވެފައިވާ އިމާރާތްތަކުގެ ތެރޭގައި ގެއްލިގެން ހާހުން މީހުން މަރުވެފައިވާ ކަމަށް ބެލެވެއެވެ.

އޮކްޓޯބަރު 7، 2023 ގައި ހަމާސްއިން އިސްވެ ހިންގި ހަމަލާގައި އިސްރާއީލުގައި މަދުވެގެން 1,139 މީހުން މަރުވެފައިވާއިރު، 200 އަށްވުރެ ގިނަ މީހުން ރަހީނުކޮށްގެން ގެންގޮސްފައިވެއެވެ.
                    

މި ލިޔުން ކިޔާލުމުން

Ads by MSS