ދުނިޔެ
ޓްރަމްޕް އޮވަލް އޮފީހުގެ ޑެސްކް ބަދަލުކުރީ މަސްކްގެ ދަރިފުޅު ގެ ސަބަބުންތަ؟

އެމެރިކާގެ ރައީސް ޑޮނަލްޑް ޓްރަމްޕް އަދި އިލޮން މަސްކުގެ ދަރިފުޅު އެކްސް ފޮޓޯ:އިންޓަނެޓް
އެމެރިކާގެ ރައީސް ޑޮނަލްޑް ޓްރަމްޕް ވަނީ ވައިޓް ހައުސްގެ އޮވަލް އޮފީހުގައި ހުރި މަޝްހޫރު ރެޒޮލިއުޓް ޑެސްކް ވަގުތީގޮތުން ބަދަލުކޮށްފައެވެ. މި ބަދަލު ގެނައީ އިލޮން މަސްކްގެ ދަރިފުޅު އެކްސް އޭ އޭ-12 އޮވަލް އޮފީހަށް ޒިޔާރަތްކޮށް، ޑެސްކް ކައިރީގައި ހުރެ ނޭފަތުގައި އަތްލާ މަންޒަރު ފެނުނު ފަހުންނެވެ.
ރައީސް ޓްރަމްޕް ވަނީ އޭނާގެ ސޯޝަލް މީޑިއާ ޕްލެޓްފޯމް ޓްރޫތް ސޯޝަލްގައި އައު ޑެސްކް ހުރި މަންޒަރުގެ ފޮޓޯއެއް ޝާއިޢުކޮށުކޮށްފައެވެ. އޭނާ ވިދާޅުވި ގޮތުގައި މިއީ ވަގުތީ ބަދަލެކެވެ. އަދި ރެޒޮލިއުޓް ޑެސްކް މަރާމާތުކުރެވެމުންދާ ކަމަށް ވެސް ބުނެފައިވެއެވެ.
ރައީސަކަށް ހޮވުމަށްފަހު 7 ޑެސްކުގެ ތެރެއިން އެއް ޑެސްކެއް އިޚްތިޔާރުކުރުމުގެ ފުރުސަތު ލިބޭ. މި ޑެސްކަކީ ސީ އެންޑް އޯ ޑެސްކް. މިއީ ވެސް ވަރަށް މަޝްހޫރު ޑެސްކެއް. ރައީސް ޖޯޖް އެޗް.ޑަބްލިއު. ބުޝް އަދި އެހެން ރައީސުން ވެސް ބޭނުންކުރައްވާފައިވާ ޑެސްކެއް
ރައީސް ޓްރަމްޕް
ރެޒޮލިއުޓް ޑެސްކަކީ 1880 ވަނަ އަހަރު އިނގިރޭސިވިލާތުގެ ރާނީ ވިކްޓޯރިއާ އެމެރިކާގެ ރައީސް ރަދަރފޯޑް ބީ. ހޭޔަސްއަށް ހަދިޔާކުރެއްވި ޑެސްކެކެވެ. މި ޑެސްކް ވަނީ ގިނަ ރައީސުން ބޭނުންކުރައްވާފައެވެ.
އިލޮން މަސްކްގެ ދަރިފުޅު އެކްސް އޭ އޭ-12 އޮވަލް އޮފީހަށް ޒިޔާރަތްކުރީ އޭނާގެ ބައްޕަ ސަރުކާރުގެ ހަރުދަނާކަން އިތުރުކުރުމުގެ ޑިޕާޓްމަންޓުގެ އިސްވެރިޔާގެ ގޮތުގައި ހަމަޖެއްސުމާ ގުޅޭ އަމުރަކާ ބެހޭ ނޫސްވެރިންގެ ބައްދަލުވުމުގައެވެ. އެ ބައްދަލުވުމުގައި ރައީސް ޓްރަމްޕް ވަނީ އެކްސް އޭ އޭ-12 އަކީ ވަރަށް މޮޅު ކުއްޖެއް ކަމަށާއި އައިކިއު މަތީ ކުއްޖެއް ކަމަށް ވިދާޅުވެފައެވެ.
ރައީސް ޓްރަމްޕް އަމިއްލަފުޅަށް ވަނީ އޭނާއަކީ ޖަރާސީމުތަކަށް ބިރުގަންނަ މީހެއް ކަމަށް ވިދާޅުވެފައެވެ. ނަމަވެސް، ޑެސްކް ބަދަލުކުރީ އެކްސް އޭ އޭ-12 ނޭފަތުގައި އަތްލި ހާދިސާއާ ގުޅިގެންތޯ ސާފެއް ނުވެއެވެ.