އަމާޒަކީ ޑިޖިޓަލް ވަސީލަތްތަކާއެކު ރާއްޖޭގެ ސިއްޙީ ނިޒާމު ހަރުދަނާކުރުން ކަމަށް ޞިއްޙަތާ ބެހޭ ވަޒީރު ވިދާޅުވެއްޖެ

ސަރުކާރުގެ އަމާޒަކީ ޑިޖިޓަލް ވަސީލަތްތަކާއެކު، ރާއްޖޭގައި ދެވޭ ސިއްޙީ ޚިދުމަތުގެ ފެންވަރު ރަނގަޅުކުރުންކަމަށް ޞިއްޙަތާ ބެހޭ ވަޒީރު ޢަބްދުﷲ ނާޒިމް ވިދާޅުވެއްޖެއެވެ. 

އިންޑިއާގެ މަލްޓިނޭޝަނަލް ހޮސްޕިޓަލް ހިންގާ ކުންފުންޏެއްކަމަށްވާ އެޕޯލޯ ހޮސްޕިޓަލްސްގެ ފަރާތުން ބޭއްވި 12 ވަނަ އިންޓާރނޭޝަނަލް ޕޭޝަންޓް ސޭފްޓީ ކޮންފަރެންސްގައި ވާހަކަފުޅުދައްކަވަމުން  ވަޒީރު ޢަބްދުﷲ ނާޡިމް އިބްރާހީމް ވިދާޅުވީ، ޑިޖިޓަލް ޞިއްހީ ނިޒާމެއްގެ ތެރެއިން ރައްކާތެރި އަވަސް ޞިއްހީ ނިޒާމެއް ޤާއިމްކުރެވޭކަމަށެވެ. އަދި އިންސާނުންނަށް ކުރެވޭ ބައެއް ކުށްތައް މަދުކޮށް، ފެންވަރު ރަނގަޅު ފަރުވާއެއް ދިނުމުގައި ޑިޖިޓަލް ޓެކްނޮލޮޖީގެ ވަޞީލަތްތައް މުހިންމު ދައުރެއް އަދާކުރާކަމަށް ވެސް ވަޒީރު ވިދާޅުވިއެވެ.

At the #IHD2025, Minister @ANazim2019 joined the high-level panel “Transformations in Patient Safety”, emphasizing the need for actionable strategies to leverage digital health for equitable healthcare access. #PatientSafety #DigitalHealth #GlobalHealth #IPSC2025 #ApolloIHD pic.twitter.com/31c6pJczC4

— Ministry of Health (@MoHmv) February 22, 2025

އަޅުގަނޑުމެން މިހާރު ވާނީ ޕްރައިމަރީ ހެލްތު ކެއަރއާއި ވެކްސިނޭޝަނާ ގުޅުހުން ހުރި ޑިޖިޓަލް ޕްލެޓްފޯމްތައް ޤާއިމްކޮށްފައި. މި ފިޔަވަޅުތަކާއެކު ރާއްޖެއަކީ، ޑިޖިޓަލް ޞިއްޙީ ނިޒާމެއް ޤާއިމްކުރުމުގެ ދާއިރާގައި ސަރަހައްދީ ގޮތުން ފާހަގަކޮށްލެވޭ ޤައުމެއް.

ވަޒީރު ވިދާޅުވިއެވެ.

ޑިޖިޓަލް ނިޒާމެއް ޤާއިމުވެގެންދިޔުމަކީ ރައްޔިތުންނަށް ގިނަގުނަ ފައިދާތަކެއް އެއިން ލިއްބައިދޭ ކަމެއްކަމުގައި ވިޔަސް، ރާއްޖެ ފަދަ ސައިބާރ ސެކިއުރިޓީ ހަރުދަނާކުރަން ޖެހިފައިވާ ޤައުމެއްގައި، ޑިޖިޓަލް ނިޒާމެއްގެ ގެއްލުންތައް ވެސް ވަޒީރު ވަނީ މި ވާހަކަކޮޅުގައި ފާހަގަކުރަށްވާފައެވެ. މިގޮތުން، މި ފަދަ ވިޔުގަތަކުގައި ހުންނަ މަޢުލޫމާތު ރައްކާތެރިކުރުމާއި، ރައްކާތެރިކުރުމަށް ބޭނުންވާ ނިޒާމުތައް ތަރައްޤީކޮށް، ހަރުދަނާކޮށް، މި ފަދަ ސިސްތަމްތައް މޮނީޓާރކުރުމުގެ މުހިންމުކަމަށް ވަޒީރު އަލިއަޅުއްވާލައްވާފައިވެއެވެ.

Delhi: Maldivian Health Minister Abdulla Nazim Ibrahim on 12th International Patient Safety Conference says, "I believe the topics of the conference—digital health and incorporating technology in healthcare—are among the most important areas that we, as health leaders, need to… pic.twitter.com/3k9IYm8BLj

— IANS (@ians_india) February 21, 2025

އިންޓަނޭޝަނަލް ޕޭޝަންޓް ސޭފްޓީ ކޮންފަރެންސްގައި ބައިވެރިވެވަޑައިގަތުމަށް ޞިއްހީ ވަޒީރު އިންޑިޔާއަށް ދަތުރުފުޅު ފެށްޓެވީ މިދިޔަ ބުރާސްފަތި ދުވަހުއެވެ. އަދި އާދިއްތަ ދުވަހު ވަޒީރުގެ ދަތުރުފުޅު ނިންމަވާލެއްވުމަށް ވަނީ ހަމަޖެހިފައެވެ.