ރައީސް މުޢިއްޒު ގަޔާނާގެ ޖުމްހޫރީ ދުވަހުގެ ތަހުނިޔާ ފޮނުއްވައިފި

ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު، ގަޔާނާގެ ޖުމްހޫރީ ދުވަހުގެ މުނާސަބަތުގައި އެ ޤައުމުގެ ވެރިންނަށާއި ރައްޔިތުންނަށް ތަހުނިޔާ އާއި ހާއި ހެޔޮއެދުންތައް ފޮނުއްވައިފިއެވެ. 

ރައީސް މުޢިއްޒު ވަކިން ތަހުނިޔާގެ މެސެޖު ފޮނުއްވާފައިވަނީ ގަޔާނާގެ ރައީސް ހިޒް އެކްސެލެންސީ މުޙައްމަދު އިރުފާން ޢަލީ އަށާއި، އެ ޤައުމުގެ ބޮޑުވަޒީރު ހިޒް އެކްސަލަންސީ މާކް ފިލިޕްސްއަށެވެ. މި މެސެޖުތަކުގައި ރައީސް މުޢިއްޒު ވަނީ އެ ދެ ބޭފުޅުންނަށް ފުރިހަމަ ޞިއްޙަތަކާއި އުފާފާގަތިކަން މިންވަރުކުރެއްވުމަށް އެދިވަޑައިގެންފައެވެ. އަދި ގަޔާނާގެ ރައްޔިތުންނަށް ކުރިއެރުމާއި ފާގަތިކަމަށްވެސް އެދިވަޑައިގެންފައިވެއެވެ.

ގަޔާނާގެ ޖުމްހޫރީ ދުވަސް ފާހަގަކުރަނީ، 1970 ވަނަ އަހަރު، އެ ޤައުމު ޖުމްހޫރިއްޔަތަކަށް ބަދަލުވުން އިޙުތިފާލުކުރުމަށެވެ.