ޚަބަރު
މާރާމާރީގެ ސިލްސިލާއަކަށް ފަހު ކުށްވެރިން ހައްޔަރުކޮށްފި

ޝަހީދު ހުސައިން އާދަމް ބިލްޑިންގ/ ފޮޓޯ: ވިކިމީޑިއާ ކޮމަންސް
ކްރިމިނަލް ކޯޓުން ރޭ ނެރުނު ބަންދު އަމުރުގައިވާ ގޮތުން އެ މައްސަލައިގައި ހައްޔަރުކުރީ ތިން މީހެކެވެ.
ހައްޔަރުކުރެވިފައި ވަނީ، 18 އަހަރުގެ ދިވެހި ފިރިހެނަކާއި، 26 އަހަރުގެ ދިވެހި ފިރިހެނަކާއި، 27 އަހަރުގެ ދިވެހި ފިރިހެނެކެވެ. އެ ތިން މީހުންގެ މައްޗަށް ވެސް ފުލުހުން ކުރަނީ ޖަމާއަތް ހަދައިގެން ތޫނު ހަތިޔާރާއި ނުރައްކާތެރި ހަތިޔާރު ބޭނުންކޮށްގެން މާރާމާރީ ހިންގަން ރޭވުމާއި އަދި މާރާމާރީ ހިންގަން އުޅުމުގެ ކުށެވެ.
މި މައްސަލައިގައި ހައްޔަރުކޮށްފައިވާ ދެ މީހަކު ހައްޔަރުކޮށްފައި ވަނީ ހަތް ދުވަހަށެވެ. އަނެއް މީހާ 15 ދުވަހު ކަސްޓޯޑިއަލް ޖަލެއްގައި ބަންދުކުރަން އަމުރުކޮށްފައިވެއެވެ.
ގޭންގުތަކުން ހިންގާ ނުރައްކާތެރި މާރާމާރީތައް ހުއްޓުވުމަށް ފުލުހުން ގިނަ މަސައްކަތްތަކެއް ކުރަމުންދެއެވެ.