ޚަބަރު
ރާއްޖޭގެ މީޑިއާތަކުގެ އެޑިޓަރުންނާއި މިނިސްޓަރު ވަހީދު މަޝްވަރާ ކުރައްވައިފި
ޒުވާނުން ބާރުވެރިކުރުވުމާއި، މަޢުލޫމާތާއި ފަންނާ ބެހެ ވުޒާރާގެ އެކްސް
ރަޖިސްޓްރީކޮށްގެން ހިންގާ ރާއްޖޭގެ މީޑިއާތަކަށް ދިމާވާ ގޮންޖެހުންތައް ހައްލުކުރުމާއެކު، މީޑިއާގެ ފަރާތްތަކާއި ނޫސްވެރިން ބާރުވެރިކުރުވާނެ ގޮތްތަކާ ބެހޭގޮތުން، މަޝްވަރާ ބައްދަލުވުމެއް، ޒުވާނުން ބާރުވެރިކުރުވުމާއި، މަޢުލޫމާތާއި ފަންނާ ބެހެ ވުޒާރާއިން ބާއްވަވައިފިއެވެ.
މިޑިއާތަކުގެ އެޑިޓަރުންނާއި މަސްޢޫލުވެރިންނާ އެކު ބާއްވާފައިވާ މި "ހައި-ޓި" ގައި ވަޒީރު ވަހީދު، މީޑިއާތަކާ ގުޅުން ހުރި ގިނަ ކަންތައްތަކެއް މަޝްވަރާކުރަށްވާފައިވެއެވެ.
Yesterday, the Ministry hosted a special Maahefun for the media, where Minister Ibrahim Waheed (Asward) engaged in meaningful discussions on the challenges, solutions, and future plans for the media industry in the Maldives. pic.twitter.com/M95h2GAcom
— Ministry of Youth Empowerment, Information and Art (@YouthGovMv) February 23, 2025
މިގޮތުން، ރަޖިސްޓްރީކޮށްގެން ހިންގާ ޢަމަލީ މިޑީއާތަކަށް ދަޢުލަތުގެ ބަޖެޓުން މާލީ އެހީތެރިކަން ފޮރުކޮށްދިނުމަށް ރައީސުލްޖުމްހޫރިއްޔާ ނިންމަވާފައި ނިންމެވުމާ ބެހޭގޮތުން ވާހަކަދެއްކެވިއެވެ. ހަމައެހެންމެ، މި މާލީ އެހީތެރިކަން ދެއްވާނެ ނިޒާމެއްކަނޑައަޅާނެކަމަށް ވެސް ވަޒިރު ވަނީ ވިދާޅުވެފައެވެ. މިގޮތުން މި އުސޫލު ގެޒެޓް ކުރެވުމާއެކު ލަސްތަކެއް ނުވެ ޕްރޮޕޯޒަލް ހުށަހެޅުމަށް ހުޅުވާލެވޭނެ ކަން މިނިސްޓަރު ވަނީ ފާހަގަ ކުރައްވާފައެވެ.
މީގެ އިތުރުން ބްރޯޑްކާސްޓިން ކޮމިޝަނާއި މީޑިއާ ކައުންސިލް އެއްކޮށްލުމާ ގުޅޭގޮތުން މިހާތަނަށް ކުރެވިފައިވާ މަސައްކަތްތަކާ ބެހޭގޮތުން ވެސް މިނިސްޓަރު ވާހަކަފުޅު ދެއްކެވިއެވެ. އެގޮތުން އެ ދެ މުއައްސަސާ އެއްކޮށްލުމަށް އެއްވެސް ނޫސްވެރިއަކު ދެކޮޅު ނުހަދާ ކަމަށާއި، އެއީ އެކަން އޮންނަންވީ ގޮތްކަމަށް ދެކެވަޑައިގަންނަވާކަމަށް ވިދާޅުވިއެވެ. އަދި އެ ދެ މުއައްސަސާ އެއްކޮށްލުމަށްޓަކައި ހަދަން ޖެހޭ ގާނޫނީ އޮނިގަނޑުގެ މަސައްކަތް އޭޖީގެ މަސައްކަތްތަކުގެ ތެރޭގައި ހިމެނިގެން ކުރިއަށްދާކަމަށް ވެސް މިނިސްޓަރު ވިދާޅުވިއެވެ.
އެކި މަންސަ ތަކުގައި ދޮގު ހަބަރު ފެތުރޭ އިރު ހުރިހާ ނޫސްވެރިންނަށް ނިސްބަތްވާގޮތަށް އެކަންވުމަށް ނޭދޭކަމަށާއި ސަރުކާރުގެ އެކިއެކި ޕްރޮގްރާމުތަމުގެ މަންފާ މީޑިއާތަކަށް ލިބޭއިރު، ދޮގުހަބަރު ފަތުރާ ފަރާތްތަކުގެ ކޮންޓެންޓް ބެލޭނެ މިންގަނޑެއްއޮތުން މުހިންމު ކަމުގައި ފާހަގަ ކުރެއްވިއެވެ.
