ޚަބަރު
ކުޑަހުވަދޫގައި ކޮމާޝަލް ޕޯޓެއް ޤާއިމްކުރުމުގެ އެއްބަސްވުމުގައި ސޮއިކޮށްފި
ދ އަތޮޅު ކުޑަހުވަދޫގައި ކޮމާޝަލް ޕޯޓު އެޅުމުގެ އެއްބަސްވުމުގައި ސޮއިކުރުން، ފޮޓޯ: ޙަސަން އިޔާދު/ފަރުދުން
ދ އަތޮޅު ކުޑަހުވަދޫގައި ކޮމާޝަލް ޕޯޓެއް އެޅުމުގެ އެއްބަސްވުމުގައި ސޮއިކޮށްފިއެވެ.
މި މަސައްކަތުގެ އެއްބަސްވުމުގައި ސޮއިކޮށްފައިވަނީ، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު މިއަދު ދ އަތޮޅަށް ފެއްޓެވި ދަތުރުފުޅުގެ ތެރެއިން، ކުޑަހުވަދޫގެ ރައްޔިތުންނާ ބައްދަލުކުރެއްވުމުގައި ބޭއްވި ޖަލްސާގައެވެ.
މި އެއްބަސްވުމުގައި މިނިސްޓްރީ އޮފް އިކޮނޮމިކް ޑިވެލޮޕްމެންޓް އެންޑް ޓްރޭޑުގެ ފަރާތުން ސޮއިކުރެއްވީ މިނިސްޓަރ އަލްފާޟިލް މުޙައްމަދު ސައީދު، އަދި މޯލްޑިވްސް ޕޯޓްސް ލިމިޓެޑް، އެމްޕީއެލްގެ ސީއީއޯ އަދި މެނޭޖިން ޑިރެކްޓަރ، ޑެޕިއުޓީ ކޮމިޝަނަރ އޮފް ޕޮލިސް (ރިޓަޔަޑް) މުޙައްމަދު ރިޝްވާނެވެ.
