ކުޅިވަރު

ފުޓުބޯޅަ ސީޒަން ރޯދައިގެ ފަހުން ފެށުމަށް ނިންމައިފި - މިއީ ހަތަރުވަނަ ތާރީޙު

ފުޓުބޯޅަ ސީޒަން ރޯދައިގެ ފަހުން ފެށުމަށް ނިންމައިފި  - މިއީ ހަތަރުވަނަ ތާރީޙު

މާޒިޔާގެ ކުޅުންތެރިންތަކެއް---

މިފްތާޙް މުޙައްމަދު

މިފްތާޙް މުޙައްމަދު

23 ފެބްރުއަރީ 2025، 11:36

23 ފެބްރުއަރީ 2025، 11:36

ރާއްޖޭގެ ފުޓުބޯޅަ ސީޒަން ފެށުމަށް ކަނޑައެޅި ތާރީޙު އަނެއްކާވެސް ފަސްކޮށްފިއެވެ. އެގޮތުން ސީޒަން ފަށާނެ ހަތަރުވަނަ ތާރީޙަކަށް ފުޓުބޯޅަ އެސޯސިއޭޝަން އޮފް ދަ މޯލްޑިވްސް (އެފްއޭއެމް) އިން ކަނޑައަޅާފައިވަނީ އެޕްރީލް މަހުގެ 8ވަނަ ދުވަހެވެ. 

މި އަހަރުގެ ފުޓުބޯޅަ ސީޒަން ފެށުމަށް ކަނޑައެޅި އެންމެ ފުރަތަމަ ތާރީޙަކީ ޖެނުއަރީ މަހު 24ވަނަ ދުވަހެވެ. ނަމަވެސް، ކްލަބްތަކުގެ ޚިޔާލު ހޯދުމަށްފަހު އެފްއޭއެމްއިން ނިންމީ މި މަހުގެ 14 ވަނަ ދުވަހުގެރޭ ފުޓްބޯޅަ ސީޒަން ފެށުމަށެވެ. އެހެންނަމަވެސް، އެ ތާރީޙުގައި ސީޒަން ފެށުމަށް ވެސް ޓީމުތަކުން ތައްޔާރު ނޫންކަމުން، އެންމެ ފަހުން ނިންމީ މި މަހުގެ 24 ވަނަ ދުވަހު ޗެރިޓީ ޝީލްޑް މެޗުން ފުޓްބޯޅަ ސީޒަން ފަށާ ގޮތަށެވެ. އަދި ސީޒަނުގެ ފުރަތަމަ މުބާރާތް ކަމަށްވާ ޕްރެޒިޑެންޓްސް ކަޕް މި މަހު 26 ވަނަ ދުވަހު ފެށުމަށެވެ. 

އަދި އެންމެ ފަހުން މި ތާރީޙު ވެސް ބަދަލުކުރުމަށްފަހު، އޭޕްރީލް މަހު 8ވަނަ ދުވަހު ޗެރިޓީ ޝީލްޑް މެޗުން ސީޒަން ފަށަން ހަމަޖައްސައި ކަލަންޑަރު ކްލަބްތަކަށް މިހާރު ވަނީ ފޮނުވާފައެވެ.

ފުޓުބޯޅަ ސީޒަން ފެށުމަށް ކަނޑައެޅި ތާރީޙު 4ވަނަ ފަހަރަށް ބަދަލުކޮށްފައިވާއިރު، ރާއްޖޭގައި ފުޓުބޯޅަ ސީޒަން މެދުކެނޑިފައި އޮންނަތާ، މިދިޔަ ޑިސެންބަރުމަހުގެ 19ވަނަ ދުވަހަށް ވަނީ އަހަރެއް ވެފައެވެ. 

އަދި ފުޓުބޯޅަ ސީޒަނުގެ އުއްމީދުގައި އޮތް ހަމައެކަނި ޓީމުގެ ގޮތުގައި ފެންނަނީ މާޒިޔާ ސްޕޯޓްސް އެންޑް ރެކްރިއޭޝަނެވެ. ސީޒަނަށް ތައްޔާރުވުމަށް ތަމްރީނުތައް ކުރިޔަށްގެންދާ ހަމައެކަނި ކްލަބަކީ އެއީއެވެ.

ފުޓުބޯޅަ ސީޒަނަށް ތައްޔާރުވުމަށް ކްލަބުތަކަށް އޮތް އެންމެ ބޮޑު ގޮންޖެހުމަކީ ކްލަބުތަކުގެ މާލީ ހާލަތެވެ. ފުރަތަމަ ޑިވިޝަނުގެ ބައެއް ޓީމުތައް މި ވަގުތު އޮތީ ކުޅުންތެރިންނަށް ނުދީ ހުރި މުސާރައިގެ ސަބަބުން، ކްލަބް ލައިސަންސިން ކަންކަން ފުރިހަމަ ނުވެއެވެ. 

ސަރުކާރުން ވަނީ ފުރަތަމަ ޑިވިޝަން ކްލަބްތަކަށް ދޭންޖެހޭ ފައިސާގެ ތެރެއިން އެޑްވާންސް ފައިސާ ކްލަބްތަކަށް ދީފައެވެ. އެގޮތުން، ފުރަތަަމަ ޑިވިޝަންގެ 10 ކްލަބްގެ ތެރެއިން ކޮންމެ ކްލަބަކަށް 500،000 ރުފިޔާ ކަމަށް މިނިސްޓްރީން ވެސް ވަނީ ކަށަވަރުކޮށްދީފައެވެ.

މި ލިޔުން ކިޔާލުމުން

Ads by MSS