ކުޅިވަރު

މެންޗެސްޓަރ ސިޓީ ބަލިކޮށް ލިވަޕޫލުން 11 ޕޮއިންޓުގެ ލީޑެއް ނަގައިފި

މެންޗެސްޓަރ ސިޓީ ބަލިކޮށް ލިވަޕޫލުން 11 ޕޮއިންޓުގެ ލީޑެއް ނަގައިފި

ގޯލަކަށްފަހު ސޯބޯޒްލާއީ (ކ) އަދި ސަލާޙް (ވ) އުފާފާޅުކުރަނީ، ފޮޓޯ: ރޮއިޓާސް

މިފްތާޙް މުޙައްމަދު

މިފްތާޙް މުޙައްމަދު

24 ފެބްރުއަރީ 2025، 07:11

24 ފެބްރުއަރީ 2025، 07:11

ހުލާސާ

މި މެޗުގައި ސަލާޙް ވަނީ ލީގުގައި އޭނާގެ 25ވަނަ ގޯލު ކާމިޔާބުކޮށްފައި

އިންގްލިޝް ޕްރިމިއަރ ލީގުގައި ލިވަޕޫލުން މެންޗެސްޓަރ ސިޓީ ބަލިކޮށް 11 ޕޮއިންޓުގެ ލީޑެއް ނަގައިފިއެވެ. 

ސިޓީގެ އިތިހާދު ސްޓޭޑިއަމްގައި މި މެޗު ކުޅުނު ނަމަވެސް، ލިވަޕޫލުގެ ކުޅުމުން ދައްކައިދިނީ، އެ ޓީމަކީ މި ސީޒަންގެ ތަށި ހައްޤު ޓީމު ކަމަށެވެ. އަދި އަމިއްލަ ސަޕޯޓަރުންގެ ކުރިމަތީގައި ލީގު އެންމެ ފަހުން ކާމިޔާބުކުރި ސިޓީއަށް ޖެހުނީ، އިތުރު ލަދުވެތިކަމަކާ ކުރިމަތިލާށެވެ.

އެގޮތުން މިދިޔަ ބުދަ ދުވަހުގެރޭ ޗެމްޕިއަންސް ލީގުގެ ޕްލޭ-އޮފްގައި ރެއާލް މެޑްރިޑާ ބައްދަލުކުރި މެޗުން 3-1 އިން ބަލިވެ މުބާރާތާ އަލްވަދާއު ކިޔަންޖެހުނުއިރު، ލިވަޕޫލާ ދެކޮޅަށް ކުޅުނު މެޗުގައި ވެސް އެ ޓީމު މި ފެނުނީ ބަލިކަށިކޮށެވެ. 

މި މެޗުގައި ލިވަޕޫލަށް ލީޑު ނަގައިދިނީ އެ ޓީމުގެ ތަރި، މުޙައްމަދު ސަލާޙްއެވެ. މެޗުގެ 14ވަނަ މިނެޓުގައި ކާމިޔާބުކުރި މި ގޯލަކީ މި ސީޒަނުގައި އޭނާގެ 30ވަނަ ގޯލެވެ. 

އަދި އެއަށްފަހު ހާފު ނިމުމުގެ ކުރިން، ސަލާހް ވަނީ ޑޮމިނިކް ސޯބޯޒްލާއީއަށް ރަގަޅު ފުރުސަތެއް ފަހިކޯށްދީ، އެ ޓީމުގެ ލީޑު ފުޅާކޮށްދީފައެވެ.

މި މެޗުގައި ސަލާޙް ކާމިޔާބުކުރި ގޯލާއި އެސިސްޓަކީ، ލީގުގައި އޭނާ ކާމިޔާބުކުރި 25ވަނަ ގޯލާއި 16ވަނަ އެސިސްޓެވެ. އަދި އޭނާއަކީ މިހާތަނަށް ލީގުގައި އެންމެ ގިނަ ގޯލު ޖަހާ އެންމެ ގިނަ އެސިސްޓުކޮށްދީފައިވާ ކުޅުންތެރިޔާ ވެސް މެއެވެ. 

ފަހު ހާފުގައި ލިވަޕޫލުން ލީޑު ފުޅާކުރުމަށް ގިނަ ފުރުސަތުތަކެއް ތަނަވަސް ކުރިއެވެ. އެގޮތުން ކާޓިސް ޖޯންސް ކާމިޔާބުކުރި ގޯލު އޮފްސައިޑްކަމަށް ވީޑިއޯ އެސިސްޓެންޓް ރެފްރީ ނިންމިއިރު، ފަހު ވަގުތު ލުއިޒް ދިއާޒް ފޮނުވާލި ނުރައްކާތެރި ހަމަލާއެއް އެޑަސަން ވަނީ ދިފާއުކޮށްފައެވެ.

މެންޗެސްޓަރ ސިޓީ މިހާތަނަށް ލީގުގައި 8 މެޗުން ބަލިވެފައިވިނަމަވެސް، އެ ޓީމު އަދި އޮތީ ލީގު ޓޭބަލްގެ ގަދަ 4ގައެވެ. 

މި ލިޔުން ކިޔާލުމުން

Ads by MSS