ރަމަޟާން މަހުގެ ފަހު 10 ގައި އައިޑީ ކާޑު ދޫކުރާ ގަޑިތައް އިޢުލާނުކޮށްފި

ރަމަޟާން މަހުގެ ފަހު 10ގައި ދިވެހި ރައްޔިތެއްކަން އަންގައިދޭ ކާޑު ދޫކުރާނީ 3 ދުވަހު ކަމަށް ޑިޕާޓްމަންޓް އޮފް ނޭޝަނަލް ރަޖިސްޓްރޭޝަން، ޑީއެންއާރުން ހާމަކުރައްވައިފިއެވެ.

ރަމަޟާން މަހު ޑީއެންއާރުގެ ކާޑު ޑިޕާޓްމެންޓުން ކާޑު ދޫކުރާ ޝެޑިއުލް އެ ޑިޕާޓުމެންޓުން މިހާރު ވަނީ ހާމަކުރަށްވާފައެވެ. މިގޮތުން، ރަމަޟާން މަހުގެ ދުވަސްތަކުގައި ކިއުބީއިން ނަންބަރު ނަންގަވައިގެން ކާޑު ދޫކުރުން ކުރިއަށް ގެންދަން ނިންމަވާފައި ވަނީ ހެނދުނު 9:15 އިން 11:30 އަށެވެ. ދުވާލަކަށް ކިއުބީން ދޫކުރުމަށް ހަމަޖެހިފައިވަނީ 150 ނަންބަރުކަމަށް ޑިއެންއާރުން ހާމަކުރައްވައެވެ.

އެހެން ރަމަޟާން މަސްތަކެކޭ އެއްފަދައިން، މި ރަމަޟާން މަހު ވެސް ރަމަޟާންމަހުގެ ފަހު 10އެއް ބަންދުކުރަން ނިންމާވަފައެވެ. އެހެންކަމުން ރަމަޟާން މަހުގެ ފަހު ދިހައެއްގައި އައިޑީކާޑު ދޫކުރުމަށް ނިންމަވާފައިވަނީ މާރިޗް މަހުގެ 23 ވަނަ ދުވަހާއި، 25 ވަނަ ދުވަހާއި 27 ވަނަ ދުވަހު އެކަނިކަމަށް އެ އިދާރާއިން ވިދާޅުވެއެވެ. އަދި އެ ދުވަސްތަކުގައިވެސް ނަންބަރު ދޫކުރާނީ ކިއުބީން ދުވާލަކު 150 ނަންބަރެވެ. އަދި އިމަރޖެންސީ ހާލަތްތަކުގައި 7280368 އަށް ގުޅުމުން ޚިދުމަތް ލިބޭނެ ކަމަށްވެސް ޑީއެންއާރުން ވިދާޅުވެއެވެ.

ކަލަންޑަރުގައިވާ ގޮތުން މި އަހަރުގެ ރަމަޟާން މަހުގެ ފުރަތަމަ ދުވަހަކީ އަންނަ މަރިޗު މަހުގެ 1 ވަނަ ދުވަހެވެ. ރަމަޟާންމަހު ސަރުކާރުގެ އިދާރާތަކުގެ ރަސްމީ ގަޑިއަކީ ހެނދުނު 9:00 އިން މެންދުރު 13:00 އަށެވެ.