ޚަބަރު
އައްޝައިޚް އަދްނާން މެންކު މާލެ ވަޑައިގަންނަވަނީ

އައްޝައިޚު އަދްނާން މެންކު/ ފޮޓޯ: އިންޓާރނެޓް
ރާއްޖޭގައި އިސްލާމީ ހޭލުންތެރިކަން އިތުރުކުރުމަށް ފުޅާދާއިރާއެއްގައި މަސައްކަތްކުރާ ޖަމާޢަތެއްކަމަށްވާ އަލް އަސްރު ޖަމާޢަތުން ވަނީ މި އަހަރު ރޯދަމަހަށް ދީނީ ޢިލްމުވެރިޔާ އައްޝައިޚު އަދުނާން މެންކު ރާއްޖެ ގެނައުމްށް ހަމަޖެހިފައިވާކަމަށް މަޢުލޫމާތުދެއްވާފައެވެ. ޝެއިޚު މިއަދު ރާއްޖެ އައުމަށް ހަމަޖެހިފައިވާއިރު، އަންނަ މަހު 11 ވަނަ ދުވަހުގެ ނިޔަލަށް ރާއްޖޭގައި ޝެއިޚު ހުންނަވާނެކަމަށް ވެސް އއެ ޖަމާޢަތުން އަންގަވާފައިވެއެވެ.
މި މުއްދަތުގައި ހުޅުމާލެ ރަޝީދު މިސްކިތުގައި ޝެއިޚުގެ ދަރުސްތައް ކުރިއަށް ގެންދިޔުމަށް ވަނީ ހަމަޖެހިފައެވެ. ދަރުސްތައް ކުރިއަށް ގެންދާނީ ކޮންމެ ދުވަހެއްގެ އަސުރު ނަމާދަށް ފަހު ކަމަށާއި، ޝެއިޚު އަދުނާނު ބައިވެރިވެވަޑައިގަންނަވާ ޚާއްސަ ފޯރަމެއް ކުރިއަށް ގެންދިޔުމަށް ވެސް ހަމަޖެހިފައި ވާކަމަށް އަސްރު ޖަމާޢަތުން މަޢުލޫމާތުދެއްވައެވެ.
އަސްރު ޖަމާޢަތަކީ ރާއްޖޭގައި ދީނި ހޭލުންތެރިކަން އިތުރުކުރުމަށް، ސިލްސިލާ ގޮތެއްގައި ގިނަ ދަރުސްތަކެއް ކުރިއަށްގެންދަމުންދާ ޖަމާޢަތެކެވެ. ޒުވާނުންނަސް އަމާޒުކޮށްގެން އެ ޖަމާޢަތުން ހިންގާ "ޢާޤީދާ" ވޯކުށޮޕާއި، "އައްޑަނަ" ވޯކުޝޮޕާއި، " ލޯތަކުގެ ފިނިކަން" ނަމާދު ވޯކުޝޮޕު ފަދަ ހަރަކާތްތައް ޚާއްސަގޮތެއްގައި ފާހަގަކޮށްލެވެއެވެ.
މި ޖަމިއްޔާއަކީ، މި ހަރަކާތްތަކުގެ އިތުރުން އަސްރު ޕަބްލިކޭޝަންގެ ދަށުން ގިނަ ފޮތްތައް ވެސް ނެރެފައިވާ ޖަމާޢަތެކެވެ.