ކުޅިވަރު

އޭޝިއަން ކަޕްގެ ފުރަތަމަ މެޗު ފަހުދިހަޔަކާ ދިމާވާތީ، އެ މެޗު ޕިލިޕީންސްގައި ކުޅެން ނިންމައިފި

އޭޝިއަން ކަޕްގެ ފުރަތަމަ މެޗު ފަހުދިހަޔަކާ ދިމާވާތީ، އެ މެޗު ޕިލިޕީންސްގައި ކުޅެން ނިންމައިފި

ދިވެހި ޤައުމީ ޓީމުގެ ކުޅުންތެރިން---

މިފްތާޙް މުޙައްމަދު

މިފްތާޙް މުޙައްމަދު

24 ފެބްރުއަރީ 2025، 09:33

24 ފެބްރުއަރީ 2025، 09:33

އޭޝިއަން ކަޕް ކޮލިފައިންގައި ރާއްޖެ ކުޅޭ ފުރަތަމަ މެޗުގައި ޕިލިޕީންސްއާ ދެކޮޅަށް ރާއްޖޭގައި ކުޅުމަށް ނިންމާފައި އޮތް މެޗު ޕިލިޕީންސްގައި ކުޅޭ ގޮތަށް ބަދަލުކޮށްފިއެވެ.

މި މެޗު ކުޅެން ހަމަޖެހިފައި އޮތީ މާޗު 25ގައި ގަލޮޅު ދަނޑުގައެވެ. ނަމަވެސް އެއީ ރޯދަމަހުގެ ފަހު ދިހައެއް ކަމުން، ފުޓުބޯޅަ އެސޯސިއޭޝަން އޮފް ދަ މޯލްޑިވްސް، އެފްއޭއެމްއިން ފިލިޕީންސް ފުޓްބޯޅަ އެސޯސިއޭޝަނާއި މަޝްވަރާކޮށްގެން ދެ ޓީމުގެ ހޯމް މެޗު މިވަނީ ބަދަލުކޮށްފައެވެ. 

އެހެންކަމުން ފިލިޕީންސްގެ ހޯމު މެޗުގައި ރާއްޖެ ކުޅޭނީ އަންނަ މަހުގެ 25 ގައި ފިލިޕީންސްގައެވެ. ދެން ފިލިޕީންސް އާއި ދެކޮޅަށް ކުޅޭ ރާއްޖޭގެ ހޯމް މެޗު އޮންނާނީ ނޮވެމްބަރު 18 ގައެވެ.

އެންމެފަހުން ރާއްޖޭގެ ގައުމީ ޓީމުން ފިލިޕީންސް އާއި ދެކޮޅަށް މެޗެއް ކުޅެފައިވަނީ 2021 ވަނަ އަހަރުގެ ވޯލްޑްކަޕް ކޮލިފައިންގައެވެ. އެ މެޗުގައި ދެޓީމުން 1-1 ގެ ނަތީޖާއަކުން ވަނީ އެއްވަރުވެފައެވެ.

ސައުދީ އަރަބިއްޔާގައި 2027 ވަނަ އަހަރު ބާއްވާ އޭއެފްސީ އޭޝިއަން ކަޕް ކޮލިފަޔާސްގެ ތިންވަނަ ބުރުގައި ހިމެނޭ 24 ޓީމު 6 ގްރޫޕަކަށް ބަހާފައިވާއިރު، މި ބުރުން އޭޝިއަން ކަޕަށް ކޮލިފައިވާނީ ގްރޫޕްގެ އެއްވަނަ ހޯދާ ޓީމެވެ.  އަދި ރާއްޖެ ހިނެމޭ ގްރޫޕް-އޭ ގައި ދެން ހިމެނެނީ ތަޖިކިސްތާން، ފިލިޕީންސް އަދި ޓީމޯރ ލާސްޓޭއެވެ.

މި މުބާރާތް ބޯމަތިވެފައި އޮތް އިރު، ރާއްޖޭގެ ގައުމީ ޓީމަށް އޮތް އެންމެ ބޮޑު ގޮންޖެހުމަކީ، ރާއްޖޭގެ ފުރަތަމަ ޑިވިޝަނުގެ ފުޓްބޯޅަ ހުއްޓިފައި އޮތުމެވެ. ރާއްޖޭގައި ފުރަތަމަ ޑިވިޝަންގެ މެޗެއް ނުކުޅޭތާ މިހާރު އަހަރަކަށްވުރެ ގިނަ ދުވަސް ވެއްޖެއެވެ. 

މި ލިޔުން ކިޔާލުމުން

Ads by MSS