ޚަބަރު
މިނިސްޓަރ އިހުސާންގެ އިތުބާރު ރައްޔިތުންގެ މަޖިލީހުގައި ދެމިއޮތްކަން ކަށަވަރުކޮށްފި

ވަޒީރު އިހްސާން/ ފޮޓޯ: ދަ މޯލްޑިވްސް ޖަރންލް
ހޯމް މިނިސްޓަރު އަލީ އިހުސާންގެ އިތުބާރު ނެތްކަމުގެ މައްސަލަ ރައްޔިތުންގެ މަޖިލީހުން ބަލައި ނުގަތުމާއެކު، އެ މަނިކުފާނުގެ މަޤާމުގެ އިތުބާރު ދެމިއޮތްކަން ކަށަވަރުވެއްޖެއެވެ.
މިއަދު ބޭއްވި ރައްޔިތުންގެ މަޖިލީހުގެ ޖަލްސާގައި ވަނީ ޤާނޫނާއި ޚިލާފަށް މަސައްކަތް ކުރަމުންދާކަމަށް ތުހުމަތުކޮށް ދާޚިލީ ވަޒީރު ޢަލީ ޢިޙްސާންގެ އިތުބާރު ނެތްކަމަށް އިދިކޮޅު އެމްޑީޕީން ހުށަހެޅި މައްސަލައިގައި ވަޒީރަށް ޖަވާބުދާރީވެވަޑައިގަތުމުގެ ފުރުޞަތުދެއްވާފައެވެ. މި ފުރުސަތުގައި އެމަނިކުފާނު ވަނީ ކުރުގޮތަކަށް އެމްޑީޕީއިން އެ މަނިކުފާނުގެ ބޮލުގައި އަޅުވަމުންދާ އިލްޒާމުތަކަށް ޖަވާބުދާރީވެވަޑައިގަނެފައެވެ.
މި މައްސަލައިގައި ހުށަހެޅުނު މައިގަނޑު ނުކުތާތަކުގެ ތެރޭގައި ހިމެނެނީ:
1. ބިދޭސީ މަސައްކަތްތެރިންގެ ކަންކަން ބެލެހެއްޓުމަށް ބޭނުންކުރާ ނިޒާމާ ގުޅޭ މައްސަލަ
2. ފުލުހުންގެ ތަޙުޤީޤުތަކަށް ނުފޫޒު ފޯރުވުމުގެ ތުހުމަތު
3. ޒާތީ މަޢުލޫމާތު ހުއްދަނެތި ބޭނުންކުރުމުގެ ތުހުމަތު
4. އިލެކްޝަންސް ކޮމިޝަނަށް ހުށަހެޅުނު ފޯމުތަކާ ގުޅޭ މައްސަލަ
އިޙްސާނުގެ އިތުބާރު ނެތްކަމަށް މިއަދު ނެގި ވޯޓުގައި، ވަޒީރަށް އިތުބާރު ނެތް ކަމަށް ވޯޓުދެއްވި އިދުކޮޅު 11 މެންބަރުން އެކަންޏެވެ. ސަރުކާރު ހިންގާ ޕާޓީ، ޕީއެންސީގެ ސުޕަ މެޖޯރިޓީގެ 64 މެންބަރަކު ވޯޓު ދެއްވީ އިތުބާރުނެތް ކަމުގެ މައްސަލަ ފާސް ނުކުރުމަށެވެ. މިނިސްޓަރެއްގެ އިތުބާރު ނެތްކަމަށް މަޖިލީހުން ފާސްވުމަށް 47 މެންބަރުންގެ ވޯޓު ބޭނުންވާއިރު، އިދިކޮޅު އެމް.ޑީ.ޕީގެ ތިއްބެވީ 12 މެންބަރުން އެކަންޏެވެ.