Ads by Exprox

ޚަބަރު

ޕޮލްކޯގެ ސީއީއޯ އަނީސްގެ މައްސަލަ ނިމެންދެން ޒިންމާތަކުން އެކަހެރިކޮށްފި

ޕޮލްކޯގެ ސީއީއޯ އަނީސްގެ މައްސަލަ ނިމެންދެން ޒިންމާތަކުން އެކަހެރިކޮށްފި

ޕޮލްކޯ ފްލެޓުތައް/ ފޮޓޯ: އެޑިޝަން

farudhun logo

ފަރުދުން

25 ފެބްރުއަރީ 2025، 07:21

25 ފެބްރުއަރީ 2025، 07:21

ފުލުހުންގެ ވެލްފެއަރ ކުންފުނި، ޕޮލްކޯގެ ސީއީއޯ އަޙްމަދު އަނީސްގެ އިތުބާރުނެތްކަމުގެ މައްސަލަ ނިމެންދެން އޭނާ ޒިންމާތަކުން އެކަހެރިކޮށްފިއެވެ.

ފުލުހުން ވިދާޅުވީ، ޕޮލްކޯގެ ސީއިއޯގެ މަޤާމުން އިންސްޕެކްޓަރ އޮފް ޕޮލިސް އަޙްމަދު އަޙްމަދު އަނީސް، އިތުބާރެއް ނެތްކަމުގެ ތުހުމަތުގައި ސަސްޕެންޑް ކުރެވިފައިވާކަމަށާއި، އެ މައްސަލަ ނިމެންދެން ސީއީއޯގެ ޒިންމާތަކުން އޭނާ އެކަހެރިކުރުމަށް މިމަހުގެ 23 ވަނަ ދުވަހު ބޭއްވި ޕޮލްކޯގެ ބޯޑު ބައްދަލުވުމުގައި ނިންމާފައިވާކަމަށެވެ.

ޕޮލްކޯގެ ދުވަހުން ދުވަހަށް ހިންގާ ބަލަހައްޓަން ޖެހޭ ކަންކަމުގެ ޒިންމާ ޕޮލްކޯގެ ސެކްރެޓަރީ އިބްރާހީމް ޚަލީލާ މި ވަގުތު ޙަވާލުކުރުމަށް ވެސް އެކުންފުނީގެ ބޯޑުން ނިންމާފައިވާކަމަށް ފުލުހުން ވިދާޅުވިއެވެ. ޚަލީލަކީ 2020 ވަނަ އަހަރުގެ ޖުލައި އިން ފެށިގެން ޕޮލްކޯގެ ސެކްރެޓަރީގެ މަޤާމު ފުރުއްވަމުން ގެންދަވާ ބޭފުޅެކެވެ.

މި މައްސަލަ ޕޮލްކޯގެ ބޯޑުން ބަލަމުންގެންދާއިރު އެކުންފުނީގެ މައްޗަށް ތުހުމަތުކުރެވޭ ކޮރަޕްޝަންގެ މައްސަލަތަކެއް އެންޓި ކޮރަޕްޝަން ކޮމިޝަން، އެސީސީންވެސް އަންނަނީ ތަޙުޤީޤުކުރަމުންނެވެ. 

މި ލިޔުން ކިޔާލުމުން

Ads by MSS