ޕާސްޕޯޓުގެ ޚިދުމަތް ށަވިޔަނި އަތޮޅުގައި ފަށައިފި

ށ އަތޮޅުގައި ޕާސްޕޯޓުގެ ޚިދުމަތް ދޭނެ ނިޒާމު ޤައިމުކޮށް ނިމި، އެ އަތޮޅުން ރައްޔިތުންނަށް ޕާސްޕޯޓު ދޫކުރަން ފަށައިފިއެވެ. 

އިމިގްރޭޝަނުން ވިދާޅުވީ، ދިވެހި ޕާސްޕޯޓުގެ ޚިދުމަތް ރާއްޖޭގެ ހުރިހާ އަތޮޅަކަށް ފުޅާކުރުމަށް ރައީސް ގެންގުޅުއްވާ ސިޔާސަތުގެ ދަށުން، ށ އަތޮޅުގައި ޕާސްޕޯޓުގެ ޚިދުމަތް ޤާއިމްކޮށްދެއްވުމަށް ރައީސް ނިންމެވީ ށ. ފުނަދޫގައި ކަމަށެވެ. މި ޚިދުމަތް ފުނަދޫގައި މިހާރު ވަނީ ރަސްމީކޮށް އިފްތިތާޙު ކޮށްދެއްވާފައެވެ.

އަޅުގަނޑުމެންގެ ލޮބުވެތި ރަޢީސް، ރަޢީސް @MMuizzu ގެ ވަޢުދުފުޅާއި އެއްގޮތަށް، ށ.ފުނަދޫގައި ޕާސްޕޯޓުގެ ޚިދުމަތް ފެށިގެން ދިޔުމަކީ، މުޅި ށަވިޔަނި އަތޮޅުގެ ލޮބުވެތި ރައްޔިތުންނަށް ލިބިގެންދިޔަ ނުހަނު ބޮޑު ލުޔެއް، ފަސޭހައެއް އަދި ހިތްހަމަޖެހުމެއް.

މިއީ ސީދާ ރަޢީސްގެ ވަޢުދުފުޅު… pic.twitter.com/5yzlKtjVyi

— Mohamed Mamdooh (@Mamdooh_Yoonus) February 25, 2025

ޕާސްޕޯޓުގެ ޚިދުމަތް އެ އަތޮޅުގައި ފައްޓަވައިދެއްވާފަފައި ވަނީ، ކޮންޓްރޯލާރ ޖެނެރަލް އޮފް އިމިގްރޭޝަން މުޙައްމަދު ޝަމްޢާން ވަޙީދެވެ.

ށ. އަތޮޅުގައި ޕާސްޕޯޓުގެ ޚިދުމަތް ދޭންފެށުމާއެކު، އޮންލައިންކޮށް ހުށައަޅާ ޕާސްޕޯޓުތައް އެ އޮފީހުން ނެގޭނެކަމަށް އިމިގްރޭޝަނުން ވިދާޅުވެފައިވެއެވެ. 

ދިވެހި ޕާސްޕޯޓުގެ ޚިދުމަތް ރާއްޖޭގެ ހުރިހާ އަތޮޅަކަށް ފުޅާކުރުމަށް ރައީސް ގެންގުޅުއްވާ ސިޔާސަތުގެ ދަށުން މިހާތަނަށް 9 އަތޮޅެއްގައި ޕާސްޕޯޓުގެ ޚިދުމަތް ވަނީ ދޭންފަށާފައެވެ.