ދ. އަތޮޅުގެ ބައެއް ރަށްރަށަށް ވަޒީރު މާރިޔާ ވަޑައިގެންފި

ދަނޑުވެރިކަމާއި ދިރޭތަކެއްޗާ ބެހޭ ވަޒީރު ޑރ. މަރިޔަމް މާރިޔާ ދ. އަތޮޅުގެ ބައެއް ރަށްތަކުގެ ދަނޑުބިންތަކަށް ޒިޔާރަތްކުރައްވައި، ދަނޑުވެރިންނާއި ބައްދަލުކުރައްވައިފިއެވެ.

ދ. އަތޮޅުގެ ބައެއް ދަނޑުބިންތަކަށް އެ ކަމަނާ ޒިޔާރާތްކުރަށްވާފައި ވަނީ، ރައީސުލްޖުމްހޫރިއްޔާގެ އަރިހުގައި އެ އަތޮޅަށް ކުރަށްވަމުންގެންދަވާ ދަތުރުފުޅުގެ ތެރެއިންނެވެ. 

މިގޮތުން ވަޒީރު ވަނީ، ދ. މީދޫ، ކުޑަހުވަދޫ، މާއެނބޫދޫ، ހުޅުދެލި، ރިނބިދޫ، އަދި ބަނޑިދޫއަށް ޒިޔާރަތް ކުރައްވާފައެވެ. މި ރަށްރަށުގެ ދަނޑުވެރިންނާ ބައްދަލުކުރަށްވާ، ދަނޑުވެރިކަން ކުރާ ހިސާބުތަކަށް ވަޑައިގަންނަވާ، ދަނޑުވެރިންގެ ހާލު، ވަޒީރު ވަނީ ބައްލަވާފައެވެ. ހަމައެހެންމެ، ބައެއް ދަނޑުވެރިންނާ ބައްދަލުކުރަށްވާ، ދަނޑުވެރިކަން ކުރިއަށް ގެންދިޔުމަށް ހުރި ދަތިތަކާއި، ގޮންޖެހުންތަކާ ބެހެގޮތުން މަޝްވަރާކުރަށްވާފައި ވެސް ވެއެވެ. 

ފުޅާ ދާއިރާއެއްގައި ދަނޑުވެރިކަން ކުރާ ފަރާތްތަކުގެ އިތުރުން، ގޯތިތެރޭގައި އޮންނަ ހުސް ޖާގައިގައި ދަނޑުވެރިކަން ކުރަށްވާ ބައެއް ފަރާތްތަކާ ވެސް މި ދަތުރުފުޅުގެ ތެރެއިން ބައްދަލުކުރަށްވާ، ވަޒީރު ވަނީ ޙިޔާލު ބަދަލުކުރަށްވާފައެވެ.