ޚަބަރު
މުލަކު މަގު ހެދުމުގެ މަސައްކަތްތައް ހަލުވިކަމާއެކު ކުރިއަށް ދަނީ
މުލަކުގެ މަގުހެދުމުގެ މަސައްކަތުގެ ތެރެއިން/ ފޮޓޯ: ރޯޑް ޑިވެލޮޕްމެންޓް ކޯޕަރޭޝަން
މ. މުލަކު މަގު ހެދުމުގެ މަޝްރޫޢު ހަލުވިކަމާއެކު ކުރިއަށްދާކަމުގައި ރޯޑް ޑިވެލޮޕްމަންޓް ކޯޕަރޭޝަން (އާރްޑީސީ) އިން ބުނެފިއެވެ.
މުލަކުގެ މަގު ހެދުމުގެ މަސައްކަތުގެ ތެރެއިން، އެރަށު ސޯސަން މަގުގައި ދުވާރުގެ މަސައްކަތާއި، އިރުދޭ މަގާއި ބަހާރީ މަގުގައި ސްޓޯރމް ވޯޓާރ ޓޭންކް މަސައްކަތް ވެސް ދަނީ ކުރަމުންނެވެ.
މި މަޝްރޫޢުގެ %68 އަށްވުރެ ބޮޑު ބައި މިހާރު ނިމިފައި ވާއިރު، މުލަކު އަތޮޅު މުލަކުގެ މަގުތައް ޒަމާނީ ފެންވަރަށް ތަރައްޤީކުރުމުގެ މަސައްކަތް ސަރުކާރުން އާރްޑީސީ އާ ހަވާލުކޮށްފައި ވަނީ 2021 ވަނަ އަހަރުއެވެ.
މި މަޝްރޫޢުގެ ދަށުން ސްޓޯމްވޯޓަރ މެނޭޖްމަންޓް ސިސްޓަމެއް ހެދުމާއި، މަގުތަކުގައި ނިޝާންތައް ކުރެހުމާއި، ސްޕީޑް ބްރޭކަރާއި ނިޝާން ބޯޑުތައް ބެހެއްޓުން ވެސް ހިމެނެއެވެ. އަދި މަގު ބައްތި ހަރުކުރުމާއި އެއަށް ބޭނުންވާ ކަރަންޓު ކޭބަލް ވެސް މި މަޝްރޫޢުގެ ދަށުން އެޅުމަށް ހަމަޖެހިފައިވެއެވެ.
