ހުޅުމާލެ ފޭސް 1 ގައި ރޯދަމަހަށް ޚާއްސަ ޕާކިންގ ސަރަހައްދެއް ކަނޑައަޅައިފި

ޓްރެފިކް މައްސަލައަށް ހައްލު ހޯދައިދިނުމަށްޓަކައި، ރަމަޟާން މަހަށް ޚާއްސަކޮށް ހުޅުމާލެ ފޭސް 1 ގައި ވަގުތީ ޕާކިންގ ލޮޓެއް ހުޅުވައިފިއެވެ. 

މިކަމަކީ ހުޅުމާލޭގައި ދިރިއުޅޭ ރައްޔިތުންގެ ތެރެއިން ފައިމަގުގައި އުޅޭ ފަރާތްތަކާއި ދުއްވާ އެއްޗެހި ދުއްވާ ފަރާތްތަކަށް އިތުރު ލުއި ފަސޭހަކަމެއް ގެނެސްދޭނެ ކަމެއް ކަމަށް ޓްރާންސްޕޯޓް މިނިސްޓްރީން ދެކެއެެވެ. އެގޮތުން ހުޅުމާލޭގެ މަގުތަކުގައި ޕާރކް ކުރާ އުޅަނދުތަކުގެ ޢަދަދު މަދުވެ، ދަތުރުފަތުރުގެ ކަންކަމަށް ލުއިވެ ތަނަވަސް ވެގެންދާނެ ކަމަށް ވެސް ދަތުރުފަތުރާ ބެހޭ ވުޒާރާއިން ދެކެއެވެ.

ގުރޭޓަރ މާލޭ ސަރަޙައްދުގައި ދިރިއުޅުއްވާ ރައްޔިތުންނަށް ކުރިމަތިވެފައިވާ ޓެރްފިކް މައްސަލައަށް ޙައްލު ހޯދައިދިނުމުގެ ގޮތުންނާއި ރަމަޟާން މަހަށް ޚާއްޞަކޮށް ހުޅުމާލޭ ފޭސް 1 ގައި ވަގުތީ ޕާކިންގ ސަރަޙައްދެއް ޤާއިމުކޮށް ޢާންމުންނަށް ވަނީ ހުޅުވާލެވިފައިއެވެ. މިކަމަކީ ހުޅުމާލޭގައި… pic.twitter.com/dSJZcpx0GX

— Ministry of Transport and Civil Aviation (@MoTCAmv) February 25, 2025

އިއްޔެ މި ކަމަށްޓަކައި ޚާއްސަ ރަސްމިއްޔާތެއް ބާއްވާ، ހުޅުމާލޭގައި، ޓްރާންސްޕޯޓް މިނިސްޓަރ މުހައްމަދު އަމީން އާއި، ހޯމް މިނިސްޓަރ އަލީ އިހްސާން އަދި ފުލުހުންގެ އިސްވެރިން ވަނީ ބައިވެރިވެވަޑައިގަންނަވާފައެވެ.