އިސްރަށްވެހިންނަށް މައުލޫމާތު ދިނުމުގެ ސެޝަނެއް މިއަދު އޮންނާނެ

އިސްރަށްވެހީންނަށް ޚާއްސަކޮށް، ނަފްސާނީ ދުޅަހެޔޮކަމާއި، މާފުކުރުމާއި، ހިތްހަމަޖެހުމާ ގުޅޭގޮތުން މަޢުލޫމާތު ދިނުމުގެ ސެޝަނެއް ބޭއްވުމަށް ހަމަޖައްސައިފިއެވެ.  މި ސެޝަން ކުރިއަށް ދާނީ މިއަދު 16:00 އިން 17:30 އަށެވެ. 

މިއީ މިމަހު އިސްރަށްވެހިންނަށް އަމާޒުކޮށް މައުލޫމާތު ދިނުމުގެ ސެޝަން ނަގައިދޭ ދެވަނަ ސެޝަނެވެ. މިދިޔަ އަހަރު ވެސް އިސްރަށްވެހިންނަށް އަމާޒުކޮށްގެން މައުލޫމާތު ދިނުމުގެ ސެޝަނެއް ވަނީ ކުރިއަށް ގެންގޮސްފައެވެ.

މި ސެޝަންތަކުގައި ޢާއިލީ ގުޅުންތައް ދެމެހެއްޓުމުގެ މުހިންމުކަމާއި، ކަނުލާ އަޑުއެހުމާއި، މުޢާމަލާތުކުރުމުގެ މުހިންމުކަން ބާއިވެރިންނަށް ބުނެދެވި، މަޝްވަރާކުރެވިގެން ދާނެއެވެ. 

މި ސެޝަންތަކަކީ މިނިސްޓްރީ އޮފް ސޯޝަލް އެންޑް ފެމިލީ ޑިވެލޮޕްމަންޓުން އިސްނަގައިގެން ހިންގާ ސެޝަންތަކެކެވެ.