ޚަބަރު
ގެދޮރުވެރިޔާ ސްކީމަށް ހުށައެޅި ބައެއް ފަރާތްތަކުގެ ޝަރުތުހަމަނުވާ ސަބަބުތައް ހާމަކޮށްފި

ހައުސިންގ މިނިސްޓްރީ/ ފޮޓޯ: އެޑިޝަން
ގެދޮރުވެރިޔާ ސްކީމަށް ހުށައެޅި ފަރާތްތަކުގެ ތެރެއިން ފްލެޓް ނުލިބޭ ފަރާތްތަކުގެ ޝަރުތު ހަމަނުވާ ސަބަބުތައް އިމާރާތްކުރުމާއި، ގެދޮރުވެރިކަމާއި ބިނާރާ ބެހޭ ވުޒާރާއިން ހާމަކޮށްފިއެވެ.
މި ވުޒާރާއިން ޚާއްސަކޮށްފައިވާ ސަބަބުތަކުގެ ތެރޭގައި،
· 18 އަހަރަށްވުރެ ބޮޑެތިވެފައި ތިބި ދަރީންގެ ވަޒީފާގެ ލިޔެކިޔުންތަކުގެ މައްސަލަތައް
· ކައިވެނީގެ ސެޓްފިކެޓުގެ މައްސަލަތައް
· ސަރުކާރުގައި ރައްކާކުރެވިފައި ހުރި ތަފާތު މަޢުލޫމާތުތަކުގެ މައްސަލަތައް
· ވަޒީފާގެ ފުރުސަތުތައް
· މާލޭގައި ދިރިއުޅޭ ގެޔާ ގުޅުންހުރި ލިޔެކިޔުންތައް
· ފޯމު ހުށައަޅާ ފަރާތުގެ މިލްކިއްޔާތާ ގުޅޭ ލިޔެކިޔުންތައް
· ކުލީގެ އެގްރީމެންޓު
· ހުށައަޅާފައިވާ ލިޔުންތަކުގެ ތާރީޚު ދިމާ ނުވުން
· ކައުންސިލުން ހުށައަޅަންޖެހޭ ލިޔުންތައް
މި ލިޔުންތައް ހަމަ ނުވުމުގެ ސަބަބުން ނުވަތަ މި ލިޔުންތަކުގައި މައްސަލަތަކެއް އުޅުމުގެ ސަބަބުން ގިނަ ބަޔަކަށް ފްލެޓު ނުލިބުނުކަމަށް އިމާރާތްކުރުމާއި، ގެދޮރުވެރިކަމާއި، ބިނާރާ ބެހޭ ވުޒާރާއިން ވަނީ ހާމަކޮށްފައެވެ.
ފްލެޓު ނުލިބޭ ފަރާތްތަކަށް ޝަކުވާ ހުށައެޅުމަށް 1 މަސްދުވަހުގެ މުހުލަތެއް ސަރުކާރުން މިހާރު ވަނީ ދެއްވާފައެވެ.