ވަޒީރު މާރިޔާ ދަތުރުވެރިންގެ މާރުކޭޓަށް ޒިޔާރާތްކުރަށްވައިފި

މާރުކޭޓުގައި ދިވެހި ދަނޑުވެރިން އުފައްދާ ތަކެތި ހުރި މިންވަރު ދެނެގަނެގަތުމަށް ދަތުރުވެރިންގެ މާރުކޭޓަށް ޒިޔާރަތްކުރައްވާ ދަނޑުވެރިންގެ ހުރި ކަންބޮޑުވުންތައް، ދަނޑުވެރިކަމާއި ދިރޭތަކެއްޗާއި ބެހޭ ވަޒީރު ޑރ. މަރްޔަމް މާރިޔާ އަޑުއައްސަވައިފިއެވެ.

ވަޒީރުގެ މި ޒިޔާރަތުގައި މާރުކޭޓްގައި ތަކެތި ވިއްކުމަށް ތިބި ބައެއް ދަނޑުވެރިންނާއި، ދިވެހި ދަނޑުވެރިން އުފައްދާ ތަކެތި މާލެ ގެނެސް މާރުކޭޓުގައި ވިއްކާ ބައެއް ފަރާތްތަކާއި ބައްދަލުކުރައްވާ، ދަތުރުވެރިންގެ މާރުކޭޓުގައި ދިވެހި ދަނޑުވެރިން އުފައްދާ ތަކެތި ހުރީ ކިހާމިންވަރަކަށްތޯ ބައްލަވައި، އެތަކެތި މާރުކޭޓަށް ގެނައުމުގެ ކަންކަން ކުރިޔަށްދާގޮތް ވެސް ވަނީ އޮޅުންފިލުވާފައިވެއެވެ. ހަމައެހެންމެ، ދިވެހި ދަނޑުތަކުގައި އުފައްދާތަކެތި ވިއްކުމުގައި ހުރި ދަތިތަށް އުޅުންފިލުވައި، މި މައްސަލަތައް ހައްލުކުރަން ދަނޑުވެރިންނަށް ފެންނަ ގޮތްތަކަކީ ކޮބައިތޯ އައްސަވާ، ވަޒީރު ވަނީ، ޙިޔާލުބަދަލުކޮށް، މަޝްވަރާކުރަށްވާފައެވެ. 

ވަޒީރު ޑރ. މަރްޔަމް މާރިޔާ ދަތުރުވެރިންގެ މާރުކޭޓަށް ޒިޔާރަތް ކުރައްވާ، ރާއްޖޭގެ ދަނޑުވެރިން ހައްދާ ތަކެތި ބާޒާރުގައި ހުރި މިންވަރާއި އެތަކެތީގެ އަގުތައް ހުރި މިންވަރު ވަނީ ބައްލަވާފަ. އަދި ބައެއް ދަނޑުވެރިންނާއި ބައްދަލުކުރައްވައި، މަޝްވަރާ އާއި ޚިޔާލު ވަނީ ހޯއްދަވާފަ pic.twitter.com/u7V1KhJC2n

— Ministry of Agriculture and Animal Welfare (@MAAWmv) February 27, 2025

ރާއްޖޭގެ ދަނޑުވެރިކަމުގެ ދާއިރާ އިތުރަށް ތަރައްޤީކޮށް ހަރުދަނާ ކުރުމާއި، ޤައުމުގައި ކާބޯތަކެތީގެ ޔަޤީކަން ކަށަވަރުކުރުމަކީ ސަރުކާރުގެ މުހިންމު ސިޔާސަތެކެވެ. މި ސިނާޢަތުގައި ޒުވާނުންގެ ބައިވެރިވުން އިތުރުކޮށް، މި މަސައްކަތަށް ޚާއްސަ ޢިޤުތިޞާދީ ސަރަހައްދެއް ޤާއިމުކުރުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ ނިންމަވާފައެވެ. ޢިޤްދިޞާދީ ފައިދާތައް ހޯދުމުގެ އިތުރުން، މިމަސައްކަތަކީ ދިވެހި ރާއްޖޭގެ ކާބޯތަކެތީގެ ރައްކާތެރިކަން ކަށަވަރުކުރުމަށް ވެސް ސަރުކާރުން ކުރިއަށް ގެންދާ މަޝްރޫޢެކެވެ.

ދަނޑުވެރިކަމާ ބެހޭ ވަޒީރު ގެންދަވަނީ، ރަށްރަށާއި އަތޮޅުތެރެއަށް ވެސް ޒިޔާރާތް ދަތުރުފުޅުތައް ކުރަށްވާ، ދަނޑުވެރިންގެ ހުރި ކަންބޮޑުވުންތައް އޮޅުންފިލުވައި، އެ ދަތިތަކަށް ހައްލު ހޯދައިދެއްވުމަށް މަސައްކަތްޕުޅުތަކެއް ކުރަށްވަމުންނެވެ.