ސައިންސް / ދުނިޔެ
ރަޝިޔާ މަސްވެރިއަކު އާދަޔާހިލާފު މަހެއް ބާނައިފި
ރަޝިއާއިން މަސްވެރިއަކަށް ހިފުނު އާދަޔާހިލާފު މަސް ފޮޓޯ:އިންޓަނެޓް
ރަޝިއާއަށް ނިސްބަތްވާ މަސްވެރިއަކު އާދަޔާ ހިލާފު މަހެއް ކަންޑުއަޑިން ބާނައިފިއެވެ. މި މަހުގެ ފޮޓޯ ސޯޝަލްމީޑިއާގައި ދައުރު ވުމާއިއެކު ގިނަ ބަތަކުވަނީ މިއީ ކޮންކަހަލަ މަހެއްކަން ނޭގި ހައިރާން ވެފައެވެ.
ގަލްފްގައި މަސްބާނަނިކޮށް ރޯމަން ފަރޑޮޓްސޮވް އަށް ފެނިފައިވަނީ ގަދަ އަޅުކުލައަކަށްދާ ބޮތްކެންހެން ފުއްޕާފައިވާ މަހެކެވެ.
ދިގުމިނުގައި ފޫޓެއްހުންނަ މިމަހަކީ "ލަމްޕް ސަކަރ" ނަމަކަށް ކިއާ މަހެއްގެ އާއިލާއަށް ނިސްބަތްވާ މަހެއްކަމުގައި ބައެއް ފަރާތްތަކުން ވަނީ ލަފާކޮށްފައެވެ.
ސޯޝަލް މީޑިއާގައި ބައެއް ފަރާތްތަކުން މިމަހަކީ އޭލިއަން އެއް ހެން ހީވާ މަހެއްގެ ގޮތުގައި ސިފަކޮށްފައިވާއިރު އަނެއްބަޔަކުވަނީ އެމަސް މަރާލަން ނުވަތަ އަންދާލުމަށް ބުނެފައެވެ.
މީގެ ދުވަސްތަކެއް ކުރިން އެމެރިކާއަށް ނިސްބަތްވާ މަސްވެރިއެއް ވަނީ އާދަޔާހިލާފު އަނގައެއް ލާފައިންނަ މަހެއް ހިފާފައެވެ. ޖޫންމަހު އެރިކް އޮސިންކީ ނިއުޔޯކްގެ ހަޑްސަން ވެލީއިން ހިފި ވެނެއްހެން ހީވާ މިމަހުގެ ފޮޓޯވެސް ވަނީ ސޯޝަލް މީޑިއާއަށް ދޫކޮށްލާފައެވެ.
