މައުމޫން ފައުންޑޭޝަނުން އިހްޔާ ފޯރަމްތަކެއް ބާއްވަނީ

ރޯދަ މަހުގެ ރޭތައް އިޙްޔާ ކުރުމުގެ މަޤުސަދުގައި ޢިހްޔާ ފޯރަމްތަކެއް ބޭއްވުމަށް ނިންމާފައިވާކަމަށް މަޢުމޫން ފައުންޑޭޝަނުން ބުނެފިއެވެ.

މަޢުމޫން ފައުންޑޭޝަނުން މަޢުލޫމާތުދޭގޮތުގައި މި ފޯރަމުގެ ފުރަތަމަ ޖަލްސާ އޮންނާނީ އިސްލާމީ މަރުކަޒުގެ ޖަލްސާކުރާ މާލަމުގައި މާޗް މަހުގެ ހަތަރުވަނަ ދުވަހުގެ ރޭ 9:45 ގައެވެ. 

އިޙްޔާ ފޯރަމްތައް ފުރަތަމަ ބާއްވަން ފެށީ ރައީސް މަޢުމޫންގެ ވެރިކަމުގައެވެ. އެ މަނިކުފާނުގެ ވެރިކަމުގައި ފުރަތަމަ އެ ޖަލްސާތައް ބާއްވަން ފެށީ އޭރުގެ ރިޔާސީ ގަނޑުވަރު މުލިއާގޭގައެވެ. ފަހުން އިސްލާމީ މަރުކަޒުގައެވެ. ކޮންމެ ސަރުކާރަކުން ވެސް އެ ފޯރަމްތައް ކުރިއަށް ގެންދެއެވެ.

މި ޖަލްސާގައި ރައީސް މަޢުމޫން ވާހަކަފުޅު ދައްކަވާނެ ކަމަށް އެ ފައުންޑޭޝަނުން ބުންޏެވެ.