ޚަބަރު
ފުލުހަކަށް ހަމަލާދީ، ޕޮލިސްޓޭޝަނަކަށް ގެއްލުންދިން މީހުން ހައްޔަރުކޮށްފި
ޝަހީދު ހުސައިން އާދަމް ބިލްޑިންގ/ ފޮޓޯ: ޕޮންޑް5
ނ. ހޮޅުދޫގައި ފުލުހަކަށް ހަމަލާދީ، އެ ރަށުގައި ހުންނަ ޕޮލިސް ސްޓޭޝަނަށް ގެއްލުންދިން 2 މީހަކު ހައްޔަރުކޮށްފިއެވެ.
ފުލުހުން މަޢުލޫމާތު ދީފައިވާގޮތުގައި، މި ދެ މީހުން ހައްޔަރުކޮށްފައިވަނީ، ހޮޅުދޫގައި ޒަހަމަތަކަކާއެކު މަރުވެފައި އޮށްވާ ފެނުނު މީހެއްގެ މަރާ ގުޅިގެން، އެރަށުގައި ކުރިއަށް ގެންދިޔަ އިހުތިޖާޖުގެ ތެރޭގައި ފުލުހަކަށް ޙަމަލާދީ އެ ރަށު ޕޮލިސް ސްޓޭޝަނަށް ގެއްލުންދިނުމުގެ ސަބަބުންނެވެ.
ކޯޓު އަމުރެއްގެ ދަށުން މިވަގުތު އެ ދެ މީހުން ތިބީ ހައްޔަރުގައިކަމަށް ފުލުހުން މަޢުލޫމާތުދެއެވެ.
މިދިޔަ އަހަރުގެ ސެޕްޓެމްބަރު 10 ވަނަ ދުވަހުގެ ހެނދުނުގެ ވަގުތެއްގައި މަރުވެފައި އޮއްވާ ފެނުނު ޒަކިއްޔާގެ މަރުގެ މައްސަލަ ތަހުގީގު ކުރުމުގައި ފުލުހުން އިހުމާލުވެފައިވާކަމަށް ބުނެ އާންމު ރައްޔިތުން އަންނަނީ ފުލުހުންގެ މައްޗަށް ސީރިއަސް ތުހުމަތުތަކެއް ކުރަމުންނެވެ.
މި މައްސަލަ ދިވެހި ފުލުހުންނާއި، ހިއުމަން ރައިޓްސް ކޮމިޝަން އޮފް މޯލްޑިވްސް އާއި ނޭޝަނަލް އިންޓެގްރިޓީ ކޮމިޝަނުން ވެސް އަންނަނީ ތަހުގީގު ކުރަމުންނެވެ.
