ޚަބަރު
އެންސްޕާ ހިންގާނެ އިމާރާތެއް ހޯދަން އަނެއްކާވެސް އިޢުލާންކޮށްފި
އެންސްޕާ/ ފޮޓޯ: އެޑިޝަން
ނެޝަނަލް ސޯޝަލް ޕްރޮޓެކްޝަން އެޖެންސީ (އެންސްޕާ)ގެ އޮފީސް ހިންގާނެ އިމާރާތެއް ހޯދަން އަނެއްކާވެސް އިއުލާންކޮށްފިއެވެ.
އެންސްޕާ ހިންގާނެ އިމާރާތެއް ހޯދުމަށް އެންމެ ފަހުން އިޢުލާނުކޮށްފައި ވަނީ މިދިޔަ ފެބްރުއަރީ މަހުގައެވެ. ނަމަވެސް، މި އިޢުލާނަށް އެކަށީގެންވާ ތަރުހީބެއް ލިބިފައި ނުވާތީ، އަލުން އެ އެޖެންސީއިން ވަނީ ކުއްޔަށް ދޭނެ ތަނެއް ހޯދުމަށް އިޢުލާންކޮށްފައެވެ.
އެންސްޕާގެ އޮފީސް ހިންގާނެ އިމާރާތެއް ހޯދަން މިދިޔަ އަހަރުގެ ޖޫން މަހު އިޢުލާންކޮށް އެމްއެމްޓީވީ ހިންގާ މޯލްޑިވްސް މީޑިއާ ހައުސް މެދުވެރިކޮށް ވެސް އިމާރާތެއް ކުއްޔަށް ނެގިއެވެ. ނަމަވެސް ކުއްޔަކާ ނުލާ އެ އިމާރާތުގެ ބައެއް ފްލޯތައް އެމްއެމްޓީވީ ހިންގަން ދިންކަމަށް ކުރެވުނު ތުހުމަތުތަކުގެ މައްސަލަ ހޫނުވުމުން އެ އެއްބަސްވުން މިދިޔަ ޑިސެމްބަރު މަހު އެންސްޕާއިން އުވާލީއެވެ.
ފިނޭންސް މިނިސްޓްރީން ބުނީ އަންނަ މަހުގެ 10 ވަނަ ދުވަހުގެ ކުރިން އެކަމަށް ޝައުގުވެރިވާ ފަރާތްތަކުން ބީލަން ހުށަހަޅަން ޖެހޭނެ ކަމަށެވެ. އަދި އަންނަ މަހު 11 ވަނަ ދުވަހު ބީލަން ހުޅުވާލާނެކަމަށް ވެސް މިނިސްޓްރީން ބުނެފައި ވެއެވެ.
